【頭條獨家】大馬拍攝借用雪子A Cup泳衣 35E莊端兒「big爆」險走光

更新時間：23:35 2019-12-12 HKT
發佈時間：22:00 2019-12-12 HKT

兩人在酒店泳池旁影香艷寫真。

莊端兒跟閨密鄧詠雪（雪子）(前組合HunterZ成員)之前去咗大馬5日拍節目，主要影吃喝玩樂，坦言出外旅遊小心啲好，唔敢晒身材。不過，眼見入住的酒店有個infinity pool，環境好靚，唔趁機打卡影吓靚相又真係好嘥，最後決定換水著落水大解放，不過因為莊端兒無帶泳衣，臨時臨急叫雪子借住一套嚟頂住先，但平板「A Cup」雪子嘅Top，勉強著咗落35E「導彈」莊端兒身上，根本連罩杯都覆蓋唔晒，一落水隨時走光！採訪：方騫平

莊端兒以熱帶風情Look現身大馬街頭。

入清真寺一定要由頭包到落腳。

講返今次嘅big爆寫真照，莊端兒都得啖笑：「其實事前真係冇諗過著泳裝，大家都係去到見到個泳池咁靚，先至決定落水！但我冇準備水著，因為32A雪子個cup細我好多，size唔啱我，根本就包唔晒我上圍，勉強落水游咗幾吓就差啲走光，太危險，所以收隊返房，好冇癮呀。其實落水前雪子喺房內有幫我影咗兩張相嘅，證明我著到佢件泳衣呀！哈哈！」

雖然喺大馬唔敢著得咁暴露，但莊端兒都不忘晒吓美腿。

莊端兒唔怕肥，勁擦地道美食。

零艷遇好無奈
此行兩人晚晚去唔同嘅夜市食嘢，食咗海鮮、肉骨茶、椰漿飯、蝦麵等地道美食，尤其當地奶茶好好飲。莊端兒更逼雪子陪食最憎嘅榴槤。最難忘有一晚喺夜市食緊嘢，俾隻超級大蟑螂爬咗上身，嚇到跳起沿路跑咗一輪！身處大馬街頭，問她是否要封胸？莊端兒說：「今次著衫主題圍繞熱帶風情，因為當地太熱啦，所以都有熱褲、高叉裙晒腿裝扮，而去清真寺就會著寺內提供嘅衣服，一定由頭包到落腳，頭髮都唔可以見到，試過我頂帽跌咗落嚟，有職員會馬上要我戴返！其實都唔係第一次同雪子拍旅遊特輯，不過每次都會俾佢嘅『巨雨女神』影響落雨，同時發現佢係世界爛gag王！」至於可有艷遇？她笑說：「我哋都想有，其間被香港人認出，仲要求同我合照。」