【又愛又恨】畀老公出賣私隱石詠莉想觀眾睇到不一樣的自己

更新時間：21:40 2019-11-25 HKT
發佈時間：20:59 2019-11-25 HKT

石詠莉（Sukie）到電台宣傳與葉文輝（啤梨）合唱新版《I Believe》，旁為DJ詩敏。

人妻石詠莉（Sukie）同老公仔鄧健泓（Patrick）對音樂上有共同喜好，就算結咗婚兩年依然保持甜蜜，時不時喺社交網放閃，最近Patrick在社交網拍片爆一直拒絕夫妻合唱嘅原因係怕被搶風頭，片中仲錄到Sukie喺背後的歌聲，Sukie今日就笑住怪老公出賣她私隱，又帶笑話：「我經已鬧咗佢，不過觀眾睇到我另一面原來咁好笑，都想將生活片剪輯成Vlog。」

兩公婆結婚多年都好恩愛。

石詠莉喺屋企做「阿四」。

最近她與葉文輝（啤梨）合唱新版《I Believe》，稍後Sukie還有獨唱版本，之後想做更多原創歌，暫不再出翻唱歌。對於最近唱片公司有高層離職引起變動，Sukie和星娛樂仍有數年合約，她指自己很正面，稍後再跟公司洽談合作上事宜，一切還很順利。至於韓國女星具荷拉逝世，Sukie坦言可惜，嘆歌手不易做，壓力好大，並以自己曾有情緒病為例，勸及早求醫，多關心身邊朋友。