長毛火龍果單挑天后容祖兒個唱海報慘遭軒仔惡搞

更新時間：18:45 2019-05-06 HKT
發佈時間：13:25 2019-05-06 HKT

長毛火龍果版（ig圖片）

天后容祖兒8月紅館個唱就快公開售票，好友張敬軒為幫手谷飛，來個「火龍果」海報惡搞版，搞到祖兒大呼「幫我報警青山走犯呀🤣🤣🤣🤣🤣 #俾我靜一靜都唔得㗎呢隻長毛火龍果」、「好想打死佢」，軒仔密友關智斌（Kenny）回應「🙋🏻‍♂️🙋🏻‍♂️🙋🏻‍♂️」力撐祖兒；蔡卓妍（阿Sa）亦大嗌「🤣🤣🤣🤣救命！今日係咪冇食藥呀？🤣🤣🤣🤣」；網民就更加被他們笑死，有部份自首「有一秒受騙了」，並就軒仔日前跟當奴拍片「你有咩問題？」抽巴士怪客水，稱「終於知道你有咩問題」；也有投訴「OMG啲腳毛」。
軒仔除了惡搞海報照，留言也極爆笑：「周街啲人都問我買 #容祖兒 #prettycrazy容祖兒演唱會演唱會飛，#人人都想有唔通人人都有咩過兩日公開發售！大家準備搶飛喇喂 #話說 #英皇娛樂隔離公司 #冤枉娛樂有個唔知淫男人定男人定女人，話自己 #唔夠crazy淨係hungry，騎騎呢呢喺度假扮祖兒，企圖欺騙祖兒粉絲，大家一定小心上當受騙！#各位觀眾 #千呼萬喚💩出來 #冤枉娛樂年度亞熱帶混血新人 #榴槤混紅毛丹 #未出道即引退歌手 #火龍果 #首支跳唱mv #聽晚十點 #隆重登場 #敬請提防假冒 #軒公 #YouTube channel #一見就散」。