杜汶澤向程美段道歉發誓「金盆洗X以後唔X人」　

更新時間：13:11 2019-05-02 HKT
發佈時間：10:46 2019-05-02 HKT

杜汶澤鞠躬向程美段道歉。網圖

早前杜汶澤被指拖欠「美女學徒」程美段（Kiwi）人工，兩人在Facebook展開隔空罵戰。但事件峰迴路轉，昨日杜汶澤終肯跪低認衰，在社交網Facebook公開向程美段道歉，仲話自己X錯人，人家金盆洗手，佢就要金盆洗X。

杜汶澤在Facebook的道歉，話到自己由細到大把口幾叻，尤其是用粗口鬧人嗰陣，並且鬧人無數，不過亦有鬧錯人的時候。

之後佢就向程美段道歉話：「最近就X錯咗人。所以鄭重向程美段小姐道歉。關於我話程美段小姐同記者講，話係『博見報』，我就呢一句說話係講對唔住。而我公司應承咗你一個禮拜就有錢俾你，結果係三個月之後先俾到你，我喺度同你講對唔住。我叫人哋小心你、盡量就唔好用你，係我唔啱，對唔住。我對你所有嘅指控，我都覺得我係錯嘅，對唔住。」

仲鄭重其事咁話：「舉頭三尺有神明，我今日喺關二哥面前發誓，我杜汶澤，以後唔再X人。人哋有金盆洗手，我今日金盆洗X，以後唔X人。」

不過話口未完，節目正式開始約3分鐘，杜汶澤已經忘記誓言再次爆粗鬧人。