吳廷燁唔想再等20年姜皓文望《殭屍》變港版Marvel

更新時間：02:59 2019-04-28 HKT
發佈時間：16:33 2019-04-27 HKT

「Bingo」姜皓文（黑仔）於昨晚播出的劇集《鐵探》中，跟「營長」吳廷燁互相鬥法，戲外其實老友鬼鬼的二人，昨晚一齊出席劇集的直播活動，不少網民都大讚這對昔日亞視之友的對手戲，且聯想起當年二人在亞視一起演出過《我和殭屍有個約會》，更有網民搞鬼說殭屍化身了臥底鐵探。
兩位「亞視之友」相隔20年在電視劇再碰頭，大談當年合作無間，很多時都會出埠拍外景，每次出埠就當遊埠，慳了不少旅費。黑仔想當年說：「最記得拍《我和殭屍有個約會》去日本外景，當其時去日本外景係一部大製作了，之後拍《新包青天》又去泰國登台。所以當年喺亞視拍劇真係遊遍東南亞。電視播映之後又有登台機會，我嘅歌藝就係咁磨練出嚟，所以我又演得又唱得㗎！」
黑仔接拍《鐵探》後，得知吳廷燁亦有份參演，他興奮說：「因為我哋見面多合作少，知道大家可以再喺鏡頭前交手，正到不得了，壽仔（吳廷燁）呢啲對手唔易搵㗎，加上我哋係『殭屍』班底，早有默契。」吳廷燁也坦言演得過癮，說：「今次同黑仔有好多對手戲，大家又可以一齊鬥番場好戲。希望日後有更多合作機會，唔使一等又等20年啦！」兩人更異口同聲說：「如果來個《我和殭屍有個約會》復盟版就好玩啦，好似Marvel英雄咁，相信我哋喺香港觀眾心目中都係一班殭屍英雄。」
至於劇中黑仔跟兩位小女孩黃學盈（彤彤）、潘姿善（晴晴）的「父女情」令不少觀眾動容，難怪他心郁郁想收兩位做契女。他大讚：「兩位小朋友都好醒目聰明，動作或感情戲一講就明，合作起來其實我好享受。」晴晴和彤彤都不約而同話：「初初見到都會驚，覺得佢好cool，但係後尾都好鍾意佢，因為佢對小朋友好溫柔，成日都氹我哋笑。」