【安心出軌】抽水抽唔停梁裕恆拍片講陰謀論

更新時間：13:56 2019-04-25 HKT
發佈時間：10:21 2019-04-25 HKT

Flow在影片中大談「安心事件」。

落選港男梁裕恆（Flow）自「安心事件」後，再三在社交平台發文替黃心穎護航，力撐對方是個追求愛情的女孩。梁裕恆昨晚再次在Facebook上傳影片，大談「安心事件」，不但指黃心穎與許志安出軌長達兩年，更暗指事件中鄭秀文是最大獲益者，引起網民熱議。

梁裕恆還原當晚計程車上狀況，包括車cam的偷拍角度，「車cam正常都係會影住左手邊，但許志安當時坐右邊，個車cam一早會對住右手邊？點樣可以一早預先知道許志安會坐喺右手邊呢？」，又說「即使冇車cam喺度都好啦，始終有個第三者喺度，點解要咁做？佢哋係知名人士，許志安咁經驗豐富嘅藝人，正常唔會犯咁低級嘅錯誤，一定有原因！」。

Flow又暗指事情發生後最大獲利者是鄭秀文（左）。

梁裕恆又指，事件有幕後黑手操盤，「會唔會係個司機本身就係相熟、知道呢件事呢？」，他其後又評論許志安記者會與鄭秀文的聲明內容，「佢（許志安）話自己飲醉咗酒，色心起，嘗試將呢件事變做一段性愛開係、桃色事件，絕對唔係！」、「呢件事並唔係當日發生，因為關係已經一段時間，所以唔存在勾引或者主動」，而鄭秀文的聲明指原諒另一半，「大家有冇試過嬲過你老公？發生咁大嘅事件，即晚去原諒，有冇可能呀？會唔會只係一個公關嘅技巧，背後嘅原因係咩呢？」。

他其後質疑黃心穎的男友馬國明，「馬國明嘅態度好似覆述一個第三者嘅事，完全睇唔出有傷心，大家形容佢係一個好男人，我就形容大家從來都冇愛過，如果愛過，就係冷血㗎喇。」他又暗指事情發生後最大獲利者是鄭秀文，更批評全城欺負黃心穎，表明會繼續為她發言。

梁裕恆更在Facebook留言稱，「斷送了前途！但是問心無愧！」不過影片在短短兩小時後就被刪除。