【粉絲大整蠱】收「蘋果」手機打開實為朱古力 張敬軒:阿叔都呃真係無陰功
更新時間:15:59 2019-04-11 HKT
發佈時間:13:28 2019-04-11 HKT
發佈時間:13:28 2019-04-11 HKT


軒仔留言講述「案情」,「呢單嘢直情要上警訊我話你知,話說我喺屋企清理上次簽名會fans送嘅禮物,跟住見到有部大iPhone,心入邊內疚咗好耐:(#鄧碧雲媽打腔)我啲歌迷成日都咁破費,搵個錢唔容易,真係有我心 #粒眼淚真係爭啲就跌出嚟 #跟着心諗(轉 #李司棋真情阿家腔)#司棋姐親自留言更正 #應該係善姨腔 既然人哋一番好意就唔好拒絕啦,啲電器擺得耐都會壞㗎!」
他打開手機盒,馬上感到晴天霹靂,直言被騙得很慘,更笑言下次買專輯時要放光酥餅進去,「我變咗隻澳洲樹熊 #唔_係啩 #金莎嚟嘅趙李 #下邊佢仲要加塊鐵板扮重 #仲要exac7ly啱size #我當堂轉周星馳tone #吖好嘢好嘢 #我話你知我班fans真係食腦㗎 #正所謂有仇不報非君子 #你哋班嘢你ting住下次買碟收隻光酥餅喇你哋 #對上呢句記得用黃韻詩tone #阿叔你哋都呃真係好冇陰功」!
不少圈中好友紛紛留言,何韻詩取笑軒仔是懵炳:「無咗封膠你都收,正懵炳。」,阿Sa就留言:「人哋花咁多心思嚟呃你 都呃得抵啦」。不少網民都留言取笑軒仔,有人笑指「有點嘅偶像就有點嘅fans」有人更笑言可能有更多驚喜,「你以為入面包住嗰粒真係金莎咁你就真係太天真」。


最Hit
星島申訴王|結業潮帶挈夜冷舖?160隻瑞士名錶大平賣 店主:超市藥房執笠貨最多人搶
2025-07-23 08:00 HKT
上水直通巴長者優惠!$5直達深圳文錦渡口岸 星期一至日適用!鄰近超市/大型商場
2025-07-23 12:51 HKT
380呎新公屋換283呎啟德居屋!公屋女已付13萬訂驚後悔 網民:1原因值得「大換細」|Juicy叮
2025-07-23 14:35 HKT