吳耀漢79歲生日願望不要太早死

更新時間：00:57 2018-12-18 HKT
發佈時間：22:51 2018-12-17 HKT

劇組為吳耀漢慶生。

12月27日79歲生日的吳耀漢，出席賀歲片《如珠如寶》煞科宴，獲劇組準備蛋糕為他提早慶生；對於生日願望，吳耀漢笑言不要太早死。在旁的兒子吳嘉龍搞笑謂會請爸爸吃飯，還找來一班未死的朋友慶祝。問到會否送個孫仔給爸爸做禮物？他說：「試下，都要努力。」吳耀搭嘴謂已有兩個外孫，分別1歲同22歲，更笑謂3個女好懶。吳嘉龍即謂：「佢哋（家姐）努力啲，我有時間。」
吳耀漢自言拍過好多賀歲片，但今次搞笑之餘，睇劇本時覺得這樣也可以？不過拍到搞笑又感動到喊。林敏驄表示林雪睇該片後，大讚吳耀漢的沙灘戲好感人又喊又笑，更讚吳耀漢是最勁喜劇演員才演到好感動。問到大收票房可會分紅給演員？他說：「帶佢哋環遊世界，收幾多都帶，講咗先，都要度期啦！」他坦言在拍攝現場談笑風生，因為全部演員是頂尖高手，一take過搞掂。（攝影：朱偉彥）