拍拖初期相約矯視黃翠如做阿蕭盲公竹：手拖手去搭的士

更新時間：17:11 2018-10-07 HKT
發佈時間：14:07 2018-10-07 HKT

江欣燕與黃翠如

黃翠如和江欣燕出席《世界視覺日活動》，翠如笑指跟男友蕭正楠拍拖初期曾一起做眼科手術，她一隻眼正常，另一隻眼大近視。她說：「講起話做手術時，佢（蕭正楠）話好，因為佢有近視都想做手術唔想戴眼鏡，做完手術後睇唔到嘢，大家手拖手，因為我一隻眼正常，四隻眼得一隻眼正常，就靠我一齊搭的士。」

提到蕭正楠於瑞士拍攝旅遊節目，玩滑翔傘玩到作嘔。翠如懷疑男友未有穿著足夠衣物，因為高空上很凍，笑謂她曾於巴西玩滑翔傘無事，下次會帶男友到當地再玩，順便睇足球賽事。

江欣燕透露曾做白內障手術，當時回巢無綫拍劇，睇劇本發現字體「飛」出來，她抗拒睇醫生，可是試過到名牌店濕平連價錢也睇不清，經醫生診斷後證實患白內障，後來出現頭暈情況，她頂不順最終決定做手術。她謂：「唔經過都唔知眼睛咁重要，當時駕不到車無自由！雙白線睇到六條，送粒鑽石畀我，都睇到三粒，如果有人患白內障一定要早點做手術。」