「古惑佬」合唱新片主題曲伊健小春受傷為兄弟頂硬上

更新時間：17:43 2018-08-20 HKT
發佈時間：12:41 2018-08-20 HKT

「古惑佬」鄭伊健、陳小春、謝天華和林曉峰合體主演錢嘉樂首次執導的電影《黃金兄弟》，眾兄弟為新片合唱主題曲，有廣東話版《一起衝一起闖》及國語版《一起來一起走》。5兄弟穿全黑造型，在已打烊的火鍋店拍MV，眾人默契十足，小春更得戚說：「神一樣嘅同步！」

相隔5年再合體拍MV，嘉樂爆料小春原本想獨唱主題曲，不過聽過Demo後改變主意，小春說：「一聽到陳光榮寫嘅旋律和歌詞，唔使再諗，一定係我哋五個一齊唱先得，太正啦！」5兄弟亦異口同聲表示被歌詞感動，勾起拍電影的片段。伊健說：「今次拍電影我哋去咗內蒙古、黑山、匈牙利、日本、台灣等，好多地方取景，點解唔喺香港拍呢？」嘉樂說：「整個電影都以香港做基地，由籌備、開會、動作設計都喺香港，不經不覺由籌備上映，剛好3年。」

林曉峰最難忘兄弟飯聚：「我哋識咗廿幾年，但各有各忙，齊人約出嚟食飯唔多過3次，因為今次拍電影一齊去咗好多地方，幾乎餐餐都一齊食飯。」平時Chok爆的謝天華竟然扁咀，稱：「我最難忘去黑山囉，因為我無份！」因為配合劇情，天華不用現身黑山外景部份，每聽到其他兄弟在當地拍攝時的趣事，都不是味兒。嘉樂說：「我哋一直都好想其中一個景在古蹟拍攝，黑山係首選，但無從入手。點知我哋嘅『老爸』曾志偉好朋友，就係當地六星級酒店嘅老闆，對方二話不說就借出場地畀我哋拍攝，我哋炸得好過癮！」

既然有錢嘉樂做導演，飛車和動作場面不會少，受傷難免，幸好大家都有驚無險，當中伊健開工幾天就受傷，小春亦傷到腰，有一段時間不能躺著，要跪在地上舒緩痛楚。嘉樂坦言心痛又感動，小春則笑說：「見係你咋，平時我一早走咗，唔拍㗎啦！」