帶隊飛俄國曾志偉讚ViuTV請睇波大手筆

更新時間：20:14 2018-07-13 HKT
發佈時間：15:36 2018-07-13 HKT

曾志偉不避嫌貼上ViuTV的貼紙，自言非大件事，TVB並非如此小器。

曾志偉帶明星足球隊飛俄羅斯睇世界盃決賽，提及昨日現身ViuTV節目講波，引起不少揣測，他回應：「有人以為睇錯台，其實我一早答應去，四年一度，又是阿倫（譚詠麟）做領隊，開幕因為拍戲去唔到，所以他去先我後到，好難得ViuTV咁大手筆，請哂明星足球隊，包門票、飛機票，聽聞開幕的位置好好。（事前有沒有和TVB講聲？）OK啦，佢無咁小器，不是咁大件事。（有指你和余詠珊不和？）不是，大家一直是舊同事，小小事就有好多人傳。」

明星足球隊應TVB邀請去俄羅斯睇世界盃決賽。

問到之後與ViuTV是否有合作？志偉稱回港後有一連串港姐活動，到時睇有沒有機會合作。有指他不滿港姐由直播變錄影，志偉稱未知形式如何，如果有份做都希望多點參與，因已經幾年無做。再追問與ViuTV的合作機會，志偉指未來的事無人知；對於TVB解散體育組，志偉大呼可惜，因大家都是相處很久的同事，又曾一起做過世界盃節目。