【兄弟情永在】溫拿曲風百變陳友爆齋玩搖滾搵唔到食

更新時間：16:32 2018-07-10 HKT
發佈時間：14:24 2018-07-10 HKT

「溫拿五虎」譚詠麟、鍾鎮濤（阿B）、彭健新（健仔）、陳友、葉智強聯同王梓軒、林耀聲、鄧加樂、吳鶴謙等，出席電影《兄弟班》首映禮。葉智強自爆當年拍吳宇森的電影時，天氣好熱又好燥，但陳友錯手插他鼻孔，於是一手打埋去。在旁的譚詠麟笑指阿強真打得，假打都得，更是葉問傳人，因為也是姓葉。

自編自導兼演出的陳友，對於該片獲選為第17屆「紐約亞洲電影節」參展電影之一，他表示當時被影評人問到為何樂隊由rock and roll轉變為pop mucis又唱廣東pop，於是他引用當年經理人教導說：「rock and roll never die but very hungry！」從此過關。他說：「另一個影評人就問部戲好有熱情又商業，我話故事唔使度，而是我們兄弟間故事，我用兩年時間集成，所以熱情同兄弟都是故事。」陳友指完成紐約電影節行程後，便到內地宣傳，但估不到當地觀眾好鍾意該片同香港情懷，評價比想像中好。

提到阿強於本月16日生日，竟然無人有反應，阿強說：「未有咁快，大家睇呢部戲啦！就知兄弟情。」健仔笑說：「你睇生日都無人知，幾夠兄弟。」阿B笑指5年來見阿強兩次，已算不錯。

王梓軒、林耀聲、鄧加樂、吳鶴謙

談到參與首映禮心情，林耀聲自言緊張，因為他未曾睇過該片。鄧加樂笑指也很緊張，父母由加拿大來港睇首映禮。吳鶴謙則謂睇試片時，心情興奮又滿足。對於四人扮演少年版溫拿經常聚在一起，林耀聲稱於佛山拍攝了3個月，事前有1個月要一起夾band。王梓軒則謂要接受訓練拍打戲，所以大家由陌生人變成兄弟，又說在戲中扮演阿力，角色是陳百祥與弟弟陳百燊的混合體。

問到可有興趣一起夾band？四人異口同聲說好，王梓軒想組超級男團，溫拿開騷就會有份演出。吳鶴謙本身懂得打鼓，由於在戲中扮演陳友，加上對方是導演，所以對他要求特別高。