【重口味】HeHe舊片曝光！陳家樂激咀游學修

更新時間：12:42 2018-04-26 HKT
發佈時間：12:38 2018-04-26 HKT

翻睇舊片，陳家樂睇到尷尷尬尬！

陳家樂(Carlos)近日憑著無綫劇《逆緣》成功入屋，他的表現更獲觀眾大讚。其實Carlos除了拍主流電視劇之外，過去亦曾嘗試拍另類微電影，更與游學修有激吻鏡頭添！

話說一班英皇藝人在Facebook開了一個叫「冤枉娛樂」的搞笑專頁，最近更播出了陳家樂在2014年拍的微電影《愛，不難》的演出片段。電影中，陳家樂與游學修飾演一對HeHe情侶。赤裸上身的陳家樂從後抱著游學修，兩人在浴缸內纏綿，之後更有激咀場面！陳家樂翻睇片段時，都忍唔住「Wow」咗一聲，顯得非常尷尬，更話自己都唔記得咗有呢一幕！

之後陳家樂大談當時的拍攝感受：「錫男仔同錫女仔嘅分別就係，錫男仔，尤其是係游學修，佢好多鬚根，佢一錫落去嗰種好『拮』嘅感覺，係平時錫女仔唔會有嘅感覺嚟，係帶有少少刺激咁。」有網友搞笑咁話：「應該搵埋游學修一齊睇！」