【早有打算】7月搞最後棟篤笑騷黃子華：我係收咪唔會退休

更新時間：10:32 2018-03-24 HKT
發佈時間：21:41 2018-03-23 HKT

黃子華出席活動，直認7月舉行的棟篤笑騷是最後一次，曾想過開記者會講明，但自己懶又無時間，並非可以三言兩語講清楚原因，所以開騷時會同大家解釋，因為到時有時間跟觀眾互動。談到為何不再做棟篤笑騷？他表示好多人會諗好多原因，每晚自己諗的原因可以不同，原因亦非大家所想的，只能夠是大家入場慢慢傾。他說：「兩、三年前決定，2014年前我好感動，有些朋友聽到呢個騷名，在網上搵返03年原來我已經講緊呢樣嘢，03年已經諗過。（唔捨得？）有唔捨得，但有啲嘢應該做。（可有新動向？）我唔係死咗，我唔係退休，有啲人會封咪，我係收咪，我唔會退休。（加場？）我今次都做好多場，一切睇大家反應。」

黃子華透露今次棟篤笑騷會於4月公開發售門票，亦不會是絕望座位表，叫大家放心。對於黃牛飛炒賣情況，他坦言不知如何正視，這個問題似乎很厲害。問到7月棟篤笑騷18禁的原因？黃子華謂18歲以下未必適合聽，不明白開棟篤笑會有母親帶孩子入場，搞到好尷尬，今次是大人節目。他說：「例如講性、職業、人情，小朋友唔知講乜？連我姪仔都話返來睇我個騷，我都話唔好，你唔會明。今次主要話題講香港，基本上唔係香港人唔會明。」