鄭伊健冇再諗退休新年大計瞓身為「蠱惑仔」兄弟宣傳

更新時間：15:27 2018-01-15 HKT
發佈時間：14:26 2018-01-15 HKT

型男鄭伊健早前拍攝一個退休生活保障計劃廣告，感覺似在拍電影，因為要杯碟碗滿天飛，他就要扮避開杯碟，大玩特技效果！提到退休計劃，伊健直言不諱，說：「梗係有啦！不過係以前，依家比較少咁諗，因為以前想退休係希望想快啲做晒啲工作，咁有多啲私人時間，依家想法唔同咗，可以一路做一路分配時間，係要做吓嘢嘅，如果有能力就同屋企人去享受吓生活，呢一刻冇想過要退休！」
伊健雖然仍熱愛工作，暫時放下退休計劃，不過曾想過退休後，他將會轉戰飲食界。他笑說：「如果唔再做演藝事業，我會去開餐廳，因為見人食得開心，自己又睇得開心，咁又可以生活到就最好！」
踏入2018年，伊健的大計是為好兄弟瞓身宣傳，他表示，去年他們一班「蠱惑仔」好友包括陳小春、謝天華、林曉峰等合作拍了一部電影《黃金兄弟》，這戲由錢嘉樂執導，今年便會上映，所以他們一定瞓身宣傳全力撐，他們一班兄弟最大心願是能夠全亞洲也會上映；個人方面，他則想在唱片上繼續努力，再推出唱片。