趙學而搏到盡真空拍紅館個唱海報：老公唔會理啦

更新時間：19:34 2018-01-07 HKT
發佈時間：19:16 2018-01-07 HKT

趙學而明年入行將近30周年，終於能一嘗踏上紅館開個唱之夢，為了4月28日舉行的紅館個唱，學而早前拍攝了演唱會海報，全程真空上陣，她笑言自從當了人妻後，從來未試過如此大膽，裏面坦蕩蕩，所以拍攝過程她最緊要都是叫大家幫手睇住不要走光。
入行30年才首踏紅館，學而笑言已為演唱會開了萬次會，說：「咁難得紅館喎！雖然我一把年紀但都會搏命盡力啦！我諗住到時跳火圈吞火劍，超級無敵十字步呀咁都會做！哈哈哈！跳勁舞呢啲就到時大家入場睇下有冇……服裝方面都研究緊，老公唔會理我控制我啦，一人做事一人當，我自己決定就得。我依家最大難題係太瘦，一定要好努力增肥。為咗增肥，我已日食6、7餐，除咗瞓覺，無時無刻我都喺到食嘢咁滯，希望到時大家唔單止睇到我這個小骨女一個骨騷啦！」
去年九展演唱會，兩場門票秒殺，今次去紅館，只開一場，是否太保守？學而說 : 「睇觀眾反應啦，如果反應好好，就同大會研究下，係咪可以加，依家真係唔敢咁貪心，可以唱一場已經好開心。」至於演唱會嘉賓，學而就謂當然想搵好多朋友來一齊玩一齊開心啦，不過又怕煩到朋友，所以仍未有未決定方案，總之圈中好朋友們，想舒舒服服坐觀眾席捧場，又或者主動想上台一齊玩，她都無任歡迎。