胡說八道會齊腳去旅行啦！黃智雯驚喜歸隊

更新時間：20:51 2017-07-30 HKT
發佈時間：20:09 2017-07-30 HKT

昨日其他成員以為個Trip六缺一。

胡說八道會赴澳洲兩星期為TVB拍旅遊節目，成員胡杏兒、胡定欣、胡蓓蔚、姚子羚與李施嬅昨日已出發，不過獨欠有工作在身的黃智雯，已預備公仔代替好姊妹，希望她快些加入。點知黃智雯戲精上身，欺騙姊妹感情，原來早過大家入機場，更安坐於貴賓室送驚喜，搞到姊妹們開心到喊。
為成功嚇到眾人，黃智雯都話唔簡單：「為左（咗）比（畀）呢個surprise班姊妹，失眠左（咗）好幾日！sorry gals搞到您地變喊包，唔齊腳點叫胡說8道去旅行。」姚子羚亦忍唔住叫對方做「死婆」，開心胡說八道冇六缺一去旅行。大肚胡杏兒表示又驚喜又驚嚇；胡蓓蔚亦搞笑指黃智雯呃人叻、「扮豬食老虎」；胡定欣則留言：「有人呃咗我地（哋）成個星期話去唔到，搞到我地（哋）好唔開心，原來.....你.....黃智雯，你好嘢!!!!」