《男臣》收視創佳績　蕭正楠：阿廉扮女人慶祝

更新時間：11:51 2017-07-22 HKT
發佈時間：22:23 2017-07-21 HKT

阿蕭爆阿廉拍一幕戲，被吊至7層樓高時，阿廉嚇至面青。

無綫劇集《超時空男臣》首播創收視佳績，蕭正楠、曹永廉、田蕊妮等演員相約飯聚。阿廉跟阿蕭齊齊受訪，談到阿蕭拍吊威吔戲曾生意外，頭部先落地上軟墊。阿蕭坦言劇裡不乏吊威哋戲，某天清晨拍攝被吊至8層樓高的戲份，在旁的阿廉即取笑道:「有沒有驚到失禁 ? 」阿蕭即還擊說:「他最叻就是說屎尿屁，新年不要遇到他呀！」阿蕭隨即又大爆阿廉拍攝一幕遭他質問的戲份時，被吊至7層樓高的阿廉嚇至面又青兼流白汗，阿廉即辯駁：「得條威哋纏住條腰，我有老婆仔女，但你乜都冇，整親都不怕。」《超》劇暫成首播最高收視劇集，問到收視再飆高會有何承諾及慶祝？阿蕭建議阿廉扮女人去商場走一轉，阿廉決絕地說：「唔好搞我，搞下啲女仔。」說到阿廉建議收視理想可「搞女」慶祝，阿田即說:「人紅了愛亂說話。想咀那一個？我幫手安排啦！」其後影合照時，阿田跟姚嘉莉等女藝人圍著阿廉，更笑問：「硬晒呀？」阿廉笑說很久沒有這感覺，阿田再笑道：「唔好硬咁耐呀! 」口賤的阿廉即望向嘉莉笑說：「望一望即軟晒!」，大灑鹽花。　