新片《盜墓者羅拉》南非搭漁排景　吳彥祖：好掛住香港

更新時間：08:56 2017-05-16 HKT
發佈時間：22:51 2017-05-15 HKT

吳彥祖忙於拍荷李活動作片《盜墓者羅拉》。

男神吳彥祖（Daniel）最近在南非拍攝荷李活動作片《盜墓者羅拉》（Tomb Raider），他飾演船長「陸仁」幫女主角「羅拉」尋父。其中故事講述羅拉專程到香港請他出手，據悉劇組最初考慮來港實地取景，但後來各種原因改為在南非開普敦的影城，搭建一個香港仔漁排的場景拍攝。場景造功精細，Daniel指以假亂真：「呢個香港漁排嘅場景好迫真，搞到我好掛住香港，因為已經好多個月無返去啦！」他親述漁排製作過程：「就喺一片大空地上，用石屎搭咗一個巨型游池，石屎成2、3呎厚，水深估計有10呎，放滿水後，水上真係可以開船，好犀利！」
至於飾演「羅拉」的瑞典女演員 Alicia Vikander，憑電影《丹麥女孩》於去年獲得金像獎「最佳女配角」，演技不容置疑，Daniel與她合作好有驚喜，他說：「佢文戲好就唔使多講，最驚喜係佢拍動作場面亦勁度十足，一啲都唔錫身，有板有眼，令人印象難忘。」