波仔至醒靈活玩│「有色光輝」增程有的放矢
更新時間：02:00 2025-10-15 HKT
發佈時間：02:00 2025-10-15 HKT
發佈時間：02:00 2025-10-15 HKT
字體大小
今個星期馬圈焦點相信必定落在「嘉應高昇」出戰珠峰錦標之上，其次就係三冠長途王「遨遊氣泡」即將復出，而綜觀今期夜賽，不少馬匹陣上表現仍見一般，又或者快跳所見進度平平，在眾多亂局之中，筆者今次也想敲敲冷門。
第二場丁廄「有色光輝」，在港雖然仍是三零部隊，但在上季633場次出戰谷草千二米，該仗前中段步速偏快，牠移出四疊彎入直路，在鞍上人梁家俊毋須太多修正之下，仍可保持追勢到終點，由此可見呢匹細粒仔可以應付急彎窄場。其後在762場次，在直路初受困，未有太多發揮機會，再看該場不少馬匹之後都可再交出表現，賽事水準未算太差。
近兩仗「有色光輝」留後競跑，不是直路再度受困，就是成為慢步速受害者，而事後看今季017場次的賽事水準也不差，而賽前曾渡江試千七米閘，中段發力上前入直路，轉腳後貫注力亦見提升；再查母系子嗣有一定長力根據，所以即使是晚有三組四班千二米，丁冠豪也決意替其增程至一哩，應非無得放矢，排得三檔希望在無甚步速場合可緊咬好位爭勝。
波仔靈活玩過關提供：
第二場 WP 8
第四場 Q/PQ 12 膽拖 1 4 8 9
第七場 二重彩 5 複式馬膽拖 2 3 4 9
混合過關三串四 共224注
