亨利拆局│練馬師王吼姚本輝
更新時間：02:00 2025-10-04 HKT
發佈時間：02:00 2025-10-04 HKT
發佈時間：02:00 2025-10-04 HKT
字體大小
上期文家良奪28分封王，乃今季田戰最低分數，反映局勢緊湊；蘇偉賢一如預期連場搏殺，可惜最終得「新力驕」贏馬，另加四個季軍，炒埋一碟得24分，無緣問鼎寶座。但上次提到，蘇偉賢慣於部署食大茶飯，將弗馬安排在同一日連場出擊，值得存記。
回說今期賽事，可能是周六關係，以及跑七草三泥，局勢緊湊程度更甚於上次，未有任何馬房較具優勢，頂多是希斯出馬十一匹，陣容較為矚目，但若因為出馬多而令賠率偏熱，我寧願嘗試扒冷。其中姚本輝八路興兵，碰巧好幾駒是個人心水，一於試試佢。
重點爭分馬方面，「運高八斗」過往休出多數向好，上仗只得第四或令人失望，但留意佢暑假沒有試閘，跑一千亦嫌短，熱身後今次回師正宗千二，冷味盎然。「快樂老撾」近兩仗跑千六似是旨在開氣，畢竟千四才是上名路程，匆匆再出應有計。「準輝煌」有千六級數，休出跑千四不嫌短，今次終於抽靚檔，也有望幫手爭分。
目標：姚本輝
賠率：13
全日惡馬 第九場 運高八斗
練馬師王最佳投注時機：第二場前
