波仔至醒靈活玩│「金運來」重溫美夢
更新時間：02:00 2025-09-17 HKT
發佈時間：02:00 2025-09-17 HKT
發佈時間：02:00 2025-09-17 HKT
字體大小
近幾個馬季賽事愈來愈多，作為評馬人當然每場都要花時間去研究，作為馬迷則可彈性一點，無跟進開的馬匹出場，又或者亂局場合，大可略過唔刨唔出擊；而在練馬師角度，馬匹未必可連場硬拼，尤其一啲恒常班次路程如四班千二米，只要跟馬主溝通得好，睇準時機贏馬，便可交到功課。
第二場「金運來」在港服役三季，每季均可影張頭馬相，而且均贏谷草千二米，但上季中練者不斷安排馬兒轉戰田草兼增程考驗，當中在總場次721沿途跟前稍蝕快步速下可跟「時尚歡欣」齊齊跑入三甲，而後駒翌仗迅速補中，反映賽事水準頗高。
之後「金運來」在795場次再度成快步速受害者，馬兒在直路初受阻再轉位亦未有潰散，再看數匹前置馬如「一生好彩」、「糖不甩」及「精算激流」今季都相繼交出表現，足見賽事水準可信賴，亦反映呢匹六歲馬仍然具備戰鬥力。
經過暑假評分後，「金運來」比上季贏馬時低七分，再看今場內側雖有前置賽駒，但實際快馬唔多，加上外檔起步一條心更容易搶得好位角逐，且看能否如上季般一出即勝。
波仔靈活玩過關提供：
第一場 WP 2
第二場 Q/PQ 9 膽拖 2 3 4 12
第六場 Q/PQ 3 6 11 鐵三角
混合過關三串一 共96注
最Hit
向太怒揭雙面人巨星恐怖真面目：冰天雪地折磨老人家 連鄭佩佩都曾點名鬧爆 嫌疑人呼之欲出？
2025-09-20 17:20 HKT
40歲男星養家捱到病終爆煲 上載病容照：半死狀態 轉行打基層工頭髮斑白飄滄桑感
2025-09-20 16:30 HKT
