祖馬龍心水│「糖不甩」虎入羊群

更新時間：18:42 2025-09-13 HKT
發佈時間：18:42 2025-09-13 HKT

今個賽日，除咗有祖馬龍最生疏嘅泥地賽之外，亦有多匹質新馬上陣，不過呢批新兵多數仲未上力，舊馬想交代就要趁早！

第四場「糖不甩」上季610場次同緊「至尊高超」和「南區之星」一堆惡馬衝返嚟，後面嘅「同樣美麗」仲嚟番口跨季孖寶。點計，上季「糖不甩」個賽績都非常硬淨。暑假之後，輾轉落到嚟四班，今季轉六歲仍算壯年，季前整番課大閘，備戰程序對辦。雖則今次排咗大外檔，但虎入羊群之下，趁住對手季初未瞓醒，一於充當季初急先鋒。值得一提，巫偉傑暫時成績都唔錯，今個賽日亦布下強陣，似有所圖。

此外，「天天更好」乃全日質新馬之中較有變身條件，排靚檔並由潘頓壓陣。其餘配腳心水仲有「祥龍駒」和「醒目先駒」，不過要有合理賠率，祖馬龍先會大破慳囊拖埋。

第二場：1銳一、10球皇、5志在福星
第四場：1糖不甩、6天天更好、2醒目先駒

↓立即下載星島頭條App↓