黃日華被爆於片場向「不舉」男星派帛金鮑起靜捲入事件當事人：朋友叫我唔好講

更新時間：18:30 2025-09-13 HKT
發佈時間：18:30 2025-09-13 HKT

資深填詞人兼演員黎彼得近日在其YouTube節目《玖噏秘笈》中大爆娛樂圈秘聞，自爆拍攝HKTV劇集《歲月樓情》時，因一個誤會而被黃日華派帛金，同時大爆一位前輩級影后鮑起靜的烏龍事。

黎彼得戲稱自己「不舉」

黎彼得爆料多年前為HKTV拍劇集，同劇陣容有黃日華、關寶慧和夏雨，可見是指劇集《歲月樓情》。黎彼得指有日他因遲到，被關寶慧上前八卦遲到原因，黎彼得貫徹搞笑作風，戲稱自己「不舉」。他說：「今朝慘喇！今朝我開『細佬』度門，但『細佬』唔醒，起唔到身就走咗，真係可惜。」聰明的關寶慧立刻會心一笑，掩嘴偷樂，而黃日華則全程處之泰然，顯然明白黎彼得口中的「細佬」是指甚麼，「聽得明嘅人就知道，我講嘅『細佬』係生殖器官。」

鮑起靜好心卻鬧笑話

黎彼得指同場還有一位資深影后級前輩，參考同劇陣容，顯然是指鮑起靜。黎彼得表示，鮑起靜沒有理解到黎彼得的弦外之音。當她聽到這番話後，竟誤以為黎彼得的「細佬」真的去世了，鮑起靜突然對黃日華說：「你老友嚟㗎，『細佬』走咗，快啲做帛金！」黎彼得形容當時關寶慧笑到趴地。黃日華基於尊重前輩，沒有拆穿真相，聽從鮑起靜的說話，即場向黎彼得派帛金，巧妙化解了這場啼笑皆非的誤會。

黎彼得讚鮑起靜善良

黎彼得在節目中也特別強調，這位影后雖然誤會了意思，但從她的反應可見，她是一位非常善良的人。黎彼得表示，他曾被友人提議不要公開這件趣事，「因為佢覺得對於故事主人翁有不敬，何況她是老人家、前輩。但因為我做節目，會唔開名，唔開名就冇事，大家唔知邊個，你估到就你聰明啦！」由於同劇只得一名前輩級影后，不少網民都猜到他指的是鮑起靜。