祖馬龍心水│「華美之威」有望出頭

更新時間：18:48 2025-09-09 HKT
發佈時間：18:48 2025-09-09 HKT

話說今季祖馬龍化身馬壇界莎士比亞，喺多份報章分享馬評，亦繼續同章名喺網台繼續分享心水，希望全方位幫馬迷每餐加餸！

開鑼日有時落雨，有時天晴。大家覺唔覺呢幾季好似特別多雨水，即使沙田草地疏水速度快，但都會或多或少影響賽果？

呢啲天氣反常嘅現象，我算在全球暖化、溫室效應嘅頭上。有時出街見前一秒萬里無雲、陽光普照，一唔帶遮，即刻嚟場失暈雨。剛周一除咗八號波，亦有黃雨，意外地休息咗一日。
祖馬龍發現一個現象，就係周六賽果特別冷，而我穿鑿附會咗一堆原因，歸納為刨馬時間少咗一日。假如用番呢個道理套落周三夜賽，大家可能會因為禮拜一較為得閒，因而多咗時間刨馬，咁就睇下今晚會唔會連場開熱門！

祖馬龍今次鍾意第二場「華美之威」，呢匹馬跑咗兩季，依家都仲係四歲，北半球馬根據「英愛專家」理論，一段較為遲熟。去到依家，其實都未去到大熟大勇嘅時候，不過均速馬上季尾連場走勢接近，已有捧場價值。此駒暑假獲減三分，今次落班負重磅配潘頓，兼且執個靚檔，照計穩位望贏。

至於同場對手，「領創動力」上季尾影相僅敗，現評分已屆有利水平，難得復課仍勇，料會跨季再拼。
再講其他心水，第五場「智勇名駒」和「龍文鞭影」，呢兩駒上季尾已經交代，暑期狀態保持。祖馬龍認為前駒會擺前走後駒會居中，臨場宜結合跑道形勢再下定論。

第二場 1 華美之威 6 極速之子 4 領創動力
第五場 2 智勇名駒 9 龍文鞭影 1 納百川

↓立即下載星島頭條App↓