Dickson心水│「燈胆將軍」佳運發

更新時間：16:56 2025-09-06 HKT
發佈時間：16:56 2025-09-06 HKT

記得上次執筆寫賽馬稿件，已經是十四年前的事，那時廖康銘、黎昭昇還未來港從練，伍鵬志、巫偉傑還未升格練馬師。沒想到今天竟然有機會重操故業，過一過貼馬癮，多謝《星島日報》馬經版給予機會。雖然有幾年馬經編輯經驗，但我最多是賭馬愛好者，並非專家，始終賽馬世界，甚麼賽果都有可能發生，有時更是難以解釋，不過我仍希望盡力給予分析，協助大家贏錢。

第六場四班1200米，「佳運發」上季五月尾落四班開始跑入前四名，三戰獲一季兩殿，證明老馬評分減至有利水平，切勿見牠八歲便輕視，季初質新馬未熟，便是老馬偷襲良機。「佳運發」上季最後一戰出爭同程，在黃寶妮策騎下跟前角逐，該仗「天天耍樂」狂放，本身憑韌力獲得季軍。今次報跑同程，幸運地抽一檔，同場只有「綫路光驊」及「勝多多」放頭搞搞震，只要寶妮積極霸欄，應可取勝。
第九場三班1200米，不少快馬競逐，「寶進」、「競駿先鋒」、「晒冷」、「凱旋升」、「天星」，再加上唔放無運行的「手到齊來」，預料步速偏快。「燈胆將軍」在港兩戰獲一冠一季，上仗出爭同程負132磅，直路階段竟可如飛殺上，輕鬆彈甩馬群取勝，可見後勁凌厲。今次升班作賽雖有難度，但潘頓唔放手，有機會取得跨季連捷。

第六場：5佳運發
第九場：11燈胆將軍

↓立即下載星島頭條App↓