晨光追擊│「紫荊拼搏」戰意十足

更新時間：16:20 2025-05-24 HKT
發佈時間：16:20 2025-05-24 HKT

被蔡約翰拋甩之下，以為希斯留以有待，誰不知依舊連場攻堅，事實上，講到兵力毫不輸蝕，仲要一班舊馬越跑越有。至於另一邊廂的蔡約翰更志在必得，兩大好手必連場火併，在於投注者角度實屬好事。

第七場第四班一四○○米：「紫荊拼搏」只得三歲，惟至今四戰全跑同程取得兩亞一季，成績尚算不俗，初出一役克服外檔阻力，負於「安泰」而壓倒「滿心星」入Q，兩匹對手其後分別贏馬。

「紫荊拼搏」前仗改配希威森，起步刻意拖後，入直路移入內疊推進，衝刺稍欠順，居然仍可拍住冠、亞軍馬「紅衣醒目」及「準輝煌」同到，表現出色。「紫荊拼搏」上仗排四檔兼易配潘頓，戰鬥力大大增強，可是本身前速唔快，更弊當日場地大利前置，加上入直路初一度受阻以致遲了望空，縱使之後狂追猛打也只追回亞席。確認能力非凡之輩，潘頓唔放手既是重要啟示，希斯全力爭冠戰意可加，放心追捧。

「紫荊拼搏」能力非凡，潘頓唔放手既是重要啟示，希斯全力爭冠戰意可加，放心追捧。

綠野飛馳收復前失

第十一場第三班一四○○米：「綠野飛馳」由大馬主榮智健擁有，台型極之吸引，且試閘一再交出好走勢，縱使初出即跑千四也捧到十七蚊，結果無負眾望輕鬆勝出，而跑出一分二十一秒二七，是季內四班同程第三快時間。

「綠野飛馳」上仗唞一個月再出戰，捧到十五蚊未能勝出當失望，但事後睇番頭馬「錶之星河」，再出以超輕鬆姿態再下一城，頭兩段締速更快至三十四秒五二，對於全程跟守第二位兼負頂磅的「綠野飛馳」，形勢極之不利，難怪賽後評磅員重手加佢三分高度重視。今仗升上三班作賽，對於這匹高質馬而言毫無阻力，反之只得三歲，毋須負重磅反而仲好，再唞一個月亦體力充裕，今仗有力收復前失。