亨利拆局│練馬師王吼方嘉柏
更新時間：02:00 2025-04-30 HKT
發佈時間：02:00 2025-04-30 HKT
發佈時間：02:00 2025-04-30 HKT
字體大小
踏入季中之後，每遇谷草選擇練馬師王捧場對象，我的門檻是三駒啱心水就納入考慮，原因是近月谷草賽果所見，封王馬房往往只靠三隻馬得分。不過今次形勢特別混亂，因為多個倉口都有三隻或更多爭分籌碼，如蔡、呂、方、沈、巫、東、游，甚至賀、韋、黎也有冷機。鑑於局勢禾雀亂飛，我最終揀了方嘉柏，信佢黑夜之神今晚又出動！
重點爭分馬方面，「鈦易搵」前仗居中遇慢步速，埋門能追過近況弗爆的「天足貓」，北半球馬在季尾及時回勇，照計不會甘於1W便收工，改配黃智弘是合拍夥伴，爭取12分靠佢！「川河首駒」前仗跑谷草一哩，直路兩度外移搵位未盡暢順，上仗大長途嘗試中段發力，似省馬多過似搏殺，今次縮程提防見真章。「精彩駿將」近仗負一三幾磅即停滯不前，今次搵七磅仔對症下藥，心意良善。「仁心星」上仗發揮令捧場客怨聲載道，布文夠膽繼續騎，信佢有心還盅。
全日惡馬 第九場：鈦易搵 練馬師王最佳投注時機：第五場前
