祖馬龍心水│「皇仁歡星」尾場穩膽

更新時間：17:28 2025-04-05 HKT
發佈時間：17:28 2025-04-05 HKT

呢個世界做咩都係謀事在人，成事在天。當年李麗珊贏得滑浪風帆獎牌嘅時候，面對着惡劣天氣，賽前更被水母炸傷，呢啲真係要靠非凡意志撐住。當然，佢嘅努力亦獲得回報，喺奪冠之前嘅六場賽事全部入前四。假如比賽當日順風兼天朗氣清，李麗珊嘅優勢未必會咁明顯，逆境嘅時候除咗要鬥智，其實更重要係比拼鬥志。

不過，逆境對於一匹年輕馬就唔係咁容易克服。「皇仁歡星」今季七場賽事當中，有六場排十檔或以外，結果攞咗兩贏兩位。前仗排十四檔，沿途三疊望空，返嚟沒有跟散，直路更可與三班上風馬「不同世界」收窄距離；上場際遇更差，排十三檔早段人馬角力，導致末段一滴都無。今次終於抽中有史以來最靚嘅檔位，如果以「皇仁歡星」在345場次力壓「但求開心」及「仁心星」計算水準，今次排二檔有力重現真身，亦因為有阿蔡好開升班嘅「首飾天空」分薄飛數，「皇仁歡星」有機會換來較好分頭。

第六場：3增強、12戰寶、8魯班精神
第十場：8皇仁歡星、9首飾天空、3久久為尊

↓立即下載星島頭條App↓