亨利拆局│練馬師王吼羅富全

更新時間：02:00 2024-12-29 HKT
發佈時間：02:00 2024-12-29 HKT

今次是2024年最後一戰，賽期亦進入季中階段。回顧十二月份的八個賽馬日，夜賽練馬師王以低分為主，反而日賽就經常開出高分數，最矚目是兩周前蔡約翰單日4W奪58分登基，佢當日搏殺連場得手，馬房似乎響起回勇訊號。

今期蔡廄兵分七路，計實力隻隻都有爭分資格，實屬練馬師王合理選擇，唯獨嫌佢賠率乏味，捧場與否視乎閣下價值觀。但話說回來，蔡約翰季內暫時得4W當日威過一次咁大把，其實整體表現只算不過不失，既然預計佢練馬師王熱到無味，我寧願小注扒逆水。其中羅、廖、沈、巫今期各有惡馬列陣，都可納入考慮範圍，最終我選擇羅富全，因為好幾駒巧合是個人心水，希望連場奪12分。

回說主力爭分馬，「英雄豪邁」近期減至64分歷史低位即連番反彈，尤其前仗走中路不利跑線得亞軍最討好，今次配潘頓信得過。「發財先鋒」每季都是第三仗冒勇，上仗經歷二級賽磨練有助提升狀態，今次應有三甲。

目標：羅富全

賠率：10

全日惡馬第八場：英雄豪邁

練馬師王最佳投注時機：第三場前

↓立即下載星島頭條App↓