仲達心水│「伶俐驫駒」一放而回

更新時間：19:21 2024-05-04
發佈時間：19:21 2024-05-04

第三場四班一二○○米泥地。周六雨勢很大，即使今日賽事進行時停雨，但泥地勢必受影響，估計會係「封地」居多。上次封地雖未成事，但當日放頭一定冇蝕，今日兩場泥地短途又要秤先跑法主動型馬。

「伶俐驫駒」連跑五場泥地千二米只得兩亞，話好叻一定唔係，不過快馬臨場表現如何，有時很取決於同場有幾多快馬，同埋啲快馬有幾快！佢近期每次跑此程都遇上「鑽飾璀璨」，前次仲有埋跑谷草一千都一放而回嘅「顏色王子」，形勢上頗為不利。若睇番366場次，雖然同場都有兩匹快馬，但「伶俐驫駒」早段較易埋到欄，轉彎可貼欄先慳力，雖然賽事頭八百步速仍比標準快逾0.7秒，但佢最終都可保住亞軍，只負於一匹真係賺晒步速嘅「佳尊三」。

今次「伶俐驫駒」排八檔雖不算好，但同場只有一匹「中華威威」屬前領型，以「伶俐驫駒」嘅前速應不難在早段切入，形勢一定比近兩次跑此程時好，難得近期跑谷草都識追，狀態應沒問題，只要場地幫到手，有力一放而回。

第三場：8伶俐驫駒

第七場：4艾莉奧

第十場：5美麗奔馳

緊貼最新最快新聞資訊，請立即下載《星島頭條》App：https://bit.ly/3Q29Vow