B女心水│「綠族無限」大勇特勇

更新時間：19:16 2024-03-30 HKT
發佈時間：19:16 2024-03-30 HKT

第三場二班千六米，我就鍾意「綠族無限」。佢今季表現非常穩定，狀態長期冒勇。上仗早段跟守尾二，臨出彎即移至外疊望空衝刺，從後上前逐步收復失地，可惜無法超越前置順走的「紅運帝王」，雖然最終屈居亞軍，但本身已遠遠拋離季軍馬，表現亦有說服力。今場佢增程跑千六，預期會更合適，賽前曾上從化兼兩試大閘，備戰工夫做到加零一，尤其近期一課大閘最悅目，直路捉實都湧上勝出，顯然近況大勇特勇，今仗排靚檔起步，相信贏馬無難度。配腳我揀「九五赤兔」同「巴閉哥」。
第七場三班千四米，我嘅心水係「巴閉仔」。佢最近三仗獲冠亞殿各一，四歲馬已經進入作戰水準。上仗早段留守中後，直路取位未算暢順，但最終都追回第四，估計若能順走應有三甲。今仗改由潘頓操刀，預料會有更佳發揮，只要跟前少少，應可趕上最先衝線。配腳我揀「大浪圖田」同「特別美麗」。

第三場：4綠族無限、5九五赤兔、7巴閉哥
第七場：4巴閉仔、1大浪圖田、11特別美麗

立即下載 | 全新《星島頭條》APP : https://bit.ly/3yLrgYZ