「愛馬善」今次改由潘頓操刀，早段控制步速應有更好效果，排四檔亦有形勢配合，誠是補中好機會。

B女心水│「愛馬善」強配補中

更新時間：19:18 2024-03-02 HKT
發佈時間：19:18 2024-03-02 HKT

第五場三班一二○○米，我嘅心水係「愛馬善」。佢今季七戰仲未贏馬，不過仍獲得三亞一季，證明四歲馬仍在進步中，搏殺未逞只因經常欠點運氣。以上仗為例，佢早段搶放造出偏快步速，結果埋門被「嘉應高昇」僅僅追過，實在時也命也！今次改由潘頓操刀，早段控制步速應有更好效果，排四檔亦有形勢配合，誠是補中好機會。配腳我揀「連連有盈」同「旋風飛影」。
第七場四歲馬賽一八○○米，我就鍾意「安騁」。今場「驕陽明駒」預計是一面倒大熱，不過廄侶「安騁」絕不能睇小，因為佢既有二千米長力根據，季內五戰亦獲三冠一亞，論賽績並不輸蝕。近兩仗「安騁」遇上二班年長馬都繼續交出好成績，今次佢只是面對四歲同齡馬，怎計都大佔便宜，配莫雅更是深慶得人，隨時是耿房主力所在！配腳我揀「驕陽明駒」同「勁速威龍」。

第五場 6 愛馬善 4 連連有盈 5 旋風飛影
第七場 4 安騁 1 驕陽明駒 6 勁速威龍

立即下載 | 全新《星島頭條》APP : https://bit.ly/3yLrgYZ