亨利拆局│練馬師王吼方嘉柏

更新時間：02:00 2023-09-20 HKT
發佈時間：02:00 2023-09-20 HKT

今季跑過三次賽事，以呂健威兩度封王表現最醒，季初攻勢勁不可當！不過佢今期出馬得三匹，陣容唔多似樣，練馬師王行情睇淡。其實除了威哥之外，近期方、沈、文、葉都連日發功，各有捧場道理。但貨比貨之下，今晚方仔兵分十路，未開跑已先贏氣勢，隨時連場跑P都夠分封王，難以同佢作對。

由於方仔在練馬師王勢成大熱，故不妨頭場開跑前先買一注，若個別馬匹臨場賠率啱閣下胃口，可補單場WP謀增添盈利。

第一場「赤子雄心」具二千二氣量，季初縮程有計！第二場「春風萬里」血統早熟有權即食。第四場「飛騰騅」居五班排二檔，論實力極惡。第三場「加非凡」無挑剔空間，除非休出狀態走樣，否則按上仗二疊蝕快步速之水準伸算，今仗坐位望贏。第七場「舞林密碼」前仗賺形勢贏馬未見過人實力，賣點是馬主鬥志堅。第八場「寶賢得得」季前無試閘，上仗跑田草旨在開氣，提防施冷箭。

目標：方嘉柏

賠率：1.75

全日惡馬第五場：加非凡

練馬師王最佳投注時機：頭場前

立即下載 | 全新《星島頭條》APP : https://bit.ly/3yLrgYZ