李元元妹妹Sucy順產出世！Lucy肉緊抱餅印妹真係有家姐豬鼻！

更新時間：00:32 2023-02-24 HKT
發佈時間：00:32 2023-02-24 HKT

要數粉絲最多的星二代，相信非只得4歲的古靈精怪李元元莫屬！去年9月李璨琛太太Lucy媽梁志瑩宣佈懷有第二胎，昨晚（23日）於社交平台報喜，宣佈Lucy 2.0已經順產出世喇！Lucy更興奮抱抱妹妹，媽媽更笑指妹妹Sucy成「個頭圓到好似粒牛肉」！

Lucy 2.0眼仔碌碌真的有「豬鼻」？

李璨琛的女兒Lucy（李元元）表情多多，可愛又趣怪，於網上儲下不少粉絲！BB出世前Lucy媽曾公開3D超聲波照片，指妹妹的頭圍比同周數BB大兩周，還有Lucy標誌性的「豬鼻」、「豬登」、「有有情有義嘅厚唇」，樣子「懵到呢」。現在「真身公開」，真的跟Lucy如餅印一樣，眼仔碌碌，同樣可愛得意！「李老母」更留言：「大家好！妹妹Sucy終於都出咗世喇！家姐仔lucy超超超肉緊呀！妹妹個頭圓到好似粒牛肉。」

點擊圖片瀏覽Lucy與妹妹可愛照：

「李老母」搞笑指自己代大家懷二胎！

去年李璨琛太太「李老母」宣布懷上第二胎後，更笑指自己是「代母」，代替大家懷住可愛的Lucy 2.0：「多謝大家嘅鼓勵，我呢個代母（代你哋38萬個老母懷孕呀）會繼續加油努力，幫你哋生個肥肥白白、可可愛愛嘅BB，李老母是代母」，粉絲們大讚李氏一家充滿幽默感，Lucy遺傳了搞笑細胞，舉手投足都可愛又搞笑，開朗樂觀的笑容迷倒不少爸媽粉！