KellyChu - 展兩地攝影畫作長衫機場文化藝術節登場展現港滬雙城特色 | Executive日記

更新時間：02:00 2026-08-05 HKT
發佈時間：02:00 2026-08-05 HKT

香港國際機場持續推出多元活動，為旅客創造「飛一般」體驗，今次Kelly未出發前已經到咗上海，因為機管局聯同多個藝術團體打造「香港國際機場文化藝術節2026」，以「香港上海雙城聚」為主題，推出為期3個月嘅藝術展覽和一系列精彩舞台演出，展現呢兩座國際都會嘅獨有文化魅力。

　　香港與上海雖然有一段距離，但同樣蘊涵着東方現代氣息，長久以來喺美食文化、地標建築及生活方式上都互相呼應。藝術節期間，機場一號及二號客運大樓接機大堂放置以香港唐樓與上海石庫門為靈感嘅沉浸式裝置，喺現代機場空間中重新演繹兩種獨特歷史建築類型，讓旅客走進有蓋走廊及庭院，感受兩地文化共融與傳承。

　　現場特別設有攝影及畫作展覽，展出來自香港和上海嘅作品，以照片及畫作記錄兩地獨特景致及城市變遷。其中一號客運大樓接機大堂嘅大型屏幕亦呈獻數碼藝術展，展示兩地特殊需要人士以獨特視覺描繪嘅兩地面貌，以及香港中小學生藝術作品等。二號客運大樓接機大堂展覽則展出5件現代香港長衫，系列靈感取材自洋紫荊、麻雀文化等元素，邀請觀眾重新欣賞並感受傳統工藝。

　　本月4日至23日一連3個周末，一號客運大樓接機大堂將舉行連串表演節目，包括香港70至90年代耳熟能詳嘅粵語流行曲、源自上海嘅爵士樂曲，以及由兩地中小學生帶來嘅中西樂演奏等。演出者既有才華洋溢嘅青年藝術家，也有技藝精湛嘅大師級代表，透過音樂與藝術促進兩地文化交流，亦為旅客帶來豐富多元視聽體驗。

KellyChu