Cally - 世界盃決賽市民商場睇波講氣氛將軍澳MCP新都城完場設免費返工專車 | 商界講呢啲

更新時間：06:21 2026-07-21 HKT
發佈時間：06:21 2026-07-21 HKT

噚晚係四年一度嘅國際足球盛事上演西班牙決戰阿根廷，爭奪冠軍寶座，恒基地產旗下將軍澳MCP新都城中心噚晚搞咗個「無制限睇波派對」，現場氣氛真係High到爆！聽講唔少球迷為咗霸靚位，前一晚已經提早去到中庭等候。去到凌晨3點正式開波，現場聚集咗過千人一齊睇波！商場好識做，現場有攤位賣獲獎手工生啤，加埋24小時營業嘅麥當勞同AI自動販賣機賣零食，現場球迷邊食邊飲邊睇波，仲可以拎住商場派發嘅打氣道具又嗌又歡呼，氣氛一流！

不過講到最抵讚嘅，一定係商場體貼「香港人好鍾意返工」嘅需要！知道好多球迷睇完波星期一朝早要返工，商場特意安排咗免費「早晨專車」，喺完場後直達中環同旺角兩大商業區。恒基兆業地產租務（二）部總經理陳德鳴先生就話，今次商場嘅「夜晨經濟 × 離峰行銷」策略真係好成功，帶動商場整體人流同營業額都錄得雙位數升幅，當中以運動用品、生活零售及餐飲商戶嘅表現尤其理想。

Cally都知恒基地產一向都好支持本地體育運動發展，今屆賽事就聯動咗跨界別嘅本地體育團體，有效喺社區推動體育文化，陳先生仲話展望下半年會積極同更多唔同嘅本地體育單位合作，陸續推出各類型運動嘅企劃。適逢恒基地產成立50周年，由即日起至2026年9月6日，HCOINS會員喺MCP新都城中心指定商戶用電子貨幣單一消費滿HK$300，登記後就可以參加「恒基50有禮•大抽獎」。獎品非常豐富，大家有機會贏走恒基50周年999.9足金金幣、雙人來回機票等。