後生仔真係唔買月餅？「＄0零隻成屋食唔晒」成新常態背後原因超貼地｜Juicy叮

更新時間：16:00 2026-09-24 HKT
發佈時間：16:00 2026-09-24 HKT

臨近中秋佳節，市面上堆滿了五花八門的月餅禮盒，不過新一代年輕人對這項應節傳統的熱情似乎已悄然生變，有網民在社交平台Threads上發帖直問：「純粹好奇而家後生係唔係真係唔買月餅，想知未過四十歲嘅你今年自己使咗幾多錢、買咗幾多隻月餅？（唔計父母買、公司派、啲Vendor送...唔使自己畀錢嗰啲）」，隨即掀起大量年輕網民的熱烈討論。

樓主率先分享自己的消費情況，直言自己毋須應酬：「我唔使買嚟送禮，暫時買咗一隻雙黃黃蓮、一隻迷你奶黃月同兩塊公仔餅，使咗好似$110至$120左右。」這番自白迅即逾百留言，不少網民紛紛報上自己的「中秋月餅預算」，答案極度兩極化，當中絕大部分更是高呼「零消費」。

「＄0零隻」成主流　網民自嘲月餅多到變「食物流轉鏈」

在討論中，出現頻率最高的答案竟然是「＄0」或「一蚊都冇買過」，大批未過四十歲的打工仔表示，根本毋須自掏腰包買月餅，單是身邊各方送來的月餅已經多到成為負擔。

有網民表示現代辦公室與家庭的現實狀況，指出「唔用錢買都成屋月餅食唔晒」，甚至有網民分析道：「就算唔係後生都幾乎唔洗買比自己食，因為你食落嘴既基本都係人地、公司、vendor之類兜個圈先到你口，你要買多數都係要買比其他人。」

這種節慶禮品的無窮輪迴亦製造了不少趣事，有網民透露自己家中有整整九盒月餅，全屬公司派發的禮券或親友轉贈，有網民亦笑言曾嘗試買月餅孝敬長輩，結果演變成「買一盒俾佢，塞返8隻俾我」的尷尬場面。甚至有「苦主」直言，朋友送的著名連鎖店流心月餅一直放到過期，最後只能「比人Ｘ完，過期都要當面食左佢」，場面令人哭笑不得。

貼地原因：健康風氣盛行轉軚買生果

除了「供應過剩」，健康意識抬頭也是年輕人不願主動購買月餅的關鍵主因，隨著都市人著重體態與健康管理，不少網民紛紛強調月餅熱量極高，有網民直指「因為香港gym撚當道」，更多網民坦言「太高糖會糖尿病+爛皮膚」、「大部分月餅都極不健康，少食為妙」。面對家中堆積如山的長輩級高糖甜品，不少網民甚至視為負擔，轉而改變送禮習慣。

有網民分享自家的務實轉變，指出「今年月餅洗費暫時係$0，主要係因為自己其實唔鍾意食，一隻起一隻止，同時都發現身邊屋企人本身已經太多月餅，多食都唔健康，年紀大嘅又唔食得甜，不過啲錢係改咗去買生果或者其他可以擺耐啲、日常都啱食嘅禮盒。」更有打工仔對上司連年派發滯銷月餅感到無奈，在辦公室直接放話建議轉買雪米糍，更揚言「我嚟緊就做個牌寫『謝絕節興食品』」。

結婚即跌入人情深淵

儘管不少單身或未婚年輕人享受零負擔的節日自由，但踏入婚姻階段的網民卻不得不屈服於傳統人情壓力，有女網民大吐苦水，回憶道：「做女時唔會買，有得食就食唔會主動買；結婚黎每年買三盒，俾姑奶一家、我哥一家、我父母......對呢d禮上往來送嚟送去表示好煩，送完月餅好快又到新年送糕點。」對此，樓主亦幽默回應：「結咗婚都唔使玩送禮遊戲嘅我表示得戚」。