月餅叮5分鐘險釀火災！全屋濃煙慘變毒氣室 專家網民教路：咁樣叮隨時大爆炸｜Juicy叮
發佈時間：12:00 2026-09-24 HKT
明日（25日）是中秋節，不少人會食月餅應節，有網民在Threads上分享，將月餅放入微波爐內翻熱，卻變成一次驚心動魄的「廚房煉獄」經驗，更差點釀成火災。
月餅叮5分鐘 驚變「炭燒」
事主在帖文中自嘲表示：「事實證明我仲係初級大人...」，講述他將一個月餅放入微波爐加熱，並設定了5分鐘的時間，然後安心地去了廁所。豈料不久後聞到濃烈燶味，他才驚覺大事不妙，立刻衝入廚房熄機。
他驚魂未定地寫道：「一打開成間屋都係煙，依家間屋勁臭」、「我係冇常識+生活白痴...依家間屋開晒抽氣扇開晒窗開晒門仲係好臭」。
從事主上載的相片可見，災情相當慘烈，一個淡綠色陶瓷碗，內部已被熏得漆黑一片；而放在碗中央的「主角」月餅，更已徹底碳化，縮成一團焦黑硬塊，猶如一塊剛出土的煤炭，慘不忍睹。
網民無情恥笑：你想個月餅發光？樓主宣告微波爐已報銷
帖文引爆網民熱議，不少網民對「5分鐘」這個設定感到難以置信，紛紛留言嘲諷：「5分鐘… 叮凍嘅飯都唔使咁耐！！！」「你想個月餅發光發熱、有火苗起上面燒緊、整焦土月餅先用到」，「5分鐘....你咁唔叫初級大人啵，咁叫無生活常識啵」。
有網民更抵死地問：「ching諗住學命運石咁玩時空穿梭？」事主其後在留言中無奈承認，一打開微波爐時冒出的是黑煙，而微波爐在這次「重創」後亦宣告報銷：「依家我個微波爐壞左。。。幾秒就自動熄。。。」，引來網民回應：「佢都完了」、「微波爐都怕左你」。
同是「叮月餅」淪落人 苦主紛紛現身圍爐
正當大家以為事主是「孤獨的地獄廚神」時，想不到竟釣出大量有類似慘痛經歷的苦主，有網民分享自己公司的同事「叮左個月餅三分鐘，全層office臭左一個星期，最後掉埋個微波爐」。
有另一位網民亦貼出他早前發的帖文截圖，顯示他用微波爐叮鬆餅（Scone）5分鐘，結果「爭啲炸左個office」，辦公室的微波爐同樣冒出滾滾白煙，驚動全層，最後要將垃圾桶搬到後樓梯，因為「成層都有浸燶味」。
此外，有網民上載了一張某大學宿舍的通告相片，通告嚴正指出「近月宿舍內已多次發生誤用微波爐／設定時間過長，引起濃煙而觸發火警警報的人為錯誤」，並警告會對相關人士「嚴肅對待問題，並按情況加以處分」，證明「微波爐炸彈」在大學宿舍早已是家常便飯。
台電官方警告：亂叮月餅隨時「大爆炸」
到底月餅可不可以放微波爐叮熱？答案是：可以，但叮熱前必須先確定月餅內是否含有「完整的鹹蛋黃」。
台灣近年不時發生微波爐「炸蛋」事件，台灣電力公司（台電）過去就曾解釋，因為蛋黃外層有一層薄膜，內部又被餅皮和餡料緊緊包住。當使用微波爐加熱時，蛋黃內部的蒸汽會被悶在裡面無法釋放。當蛋黃承受不住壓力時，就會在微波爐內瞬間爆開。
台電官方「叮月餅」安全防爆指南：
- 切開再叮：如果月餅內有整顆鹹蛋黃，微波前必須先將蛋黃切開，讓內部的蒸汽可以順利散出。
- 代替方法：建議改用焗爐，或利用電飯煲不加水「乾蒸」的方式來加熱。
- 守候在旁：加熱時人千萬不要離開，要密切留意加熱情況。
- 短時間分次：如果不確定加熱時間，應以短時間、分次的方式慢慢加熱（例如每次10秒）。
- 檢查包裝與容器：連同包裝加熱時，必須確認包裝上註明「可微波」，並且絕對不能使用金屬容器、錫紙等器具。
- 專家網民教路：黃金20秒叮出最佳風味
除了安全問題，如何叮得好吃也是一門學問。很多專家級網民指出：「流心嗰啲叮10秒好食啲」、「少少暖會軟d香d，但通常叮10秒就夠」。
專家指出，如果直接將剛從雪櫃拿出來的月餅放入微波爐，月餅會變得又乾又硬。最佳的加熱方法，是先將月餅放在室溫下靜置2至3小時自然解凍，然後放入微波爐以800W火力，微波大約20秒左右。這樣叮出來的月餅不僅口感溫熱柔軟，香氣亦最為濃郁。
來源：Threads
延伸閱讀：12蚊店買「流心月餅」曝光試食結果 港女稱包裝吸引 11字總結食後感掀議
