速剪店「頭髮過耳」竟要加錢？奇葩濫收套路曝光剪完先講苦主齊現身網民：唔過耳剪乜？｜Juicy叮

更新時間：16:00 2026-08-26 HKT
發佈時間：16:00 2026-08-26 HKT

有網民在社交平台facebook發文，指一間位於小西灣的速剪理髮店不合理地多收費用，明明價目表寫明「男仕$70」，結帳時卻被多收$10，而髮型師給出的「加錢」理由更是讓事主和一眾網民感到匪夷所思。

事主朋友中伏剪髮無辜被加$10

有網民在小西灣居民的Facebook群組發帖，為朋友抱打不平，帖文指，其朋友光顧一間速剪理髮店，「寫明男仕$70，剪完要收多$10」，當朋友詢問收費為何與標價不符時，髮型師的解釋竟是「因頭髮過咗耳仔」。樓主為此大感不滿，強調朋友「是一般男士髮型，沒有過耳也沒有過膊」，並表示「以後唔會再幫襯」，為了避免更多人「中伏」，樓主決定將事件公諸於世，提醒街坊。

從樓主上載的相片可見，涉事理髮店招牌下方寫有「極速單剪專門店」字樣，店舖門面為玻璃門，門外貼有宣傳海報及營業時間，其中一張以白紙黑字列印的「價目表」尤其顯眼。

另一張相片則清晰拍下了這張「價目表」的內容，上面列明「男士精剪$70」、「油頭，女士髮型$80」，而學生穿校服則為$60。最引發爭議的是底部一行細字：「髮型設計、長髮(是指到膊)、Bob頭、Gel頭、吹頭，各需加$10」。價目表清楚寫明「長髮」的標準是「到膊頭」，似乎與髮型師所講的「過耳仔」明顯有出入。

網民熱議：為$10做爛個名

帖文引發網民熱議，大批網民指店家手法「巧立明目」。不少網民認為，為了區區十元而損害商譽，做法極之短視，直言「賺多十元。冇咗個客，呢啲咪戇Ｘ囉」、「做生意要老老實實先可以長久」。

對於「頭髮過耳要加錢」的邏輯，網民更紛紛留言嘲諷：「頭髮唔過耳仔我就不用剪啦」、「唔長就唔洗剪啦，癡線架」、「咁女性多數長頭髮，係咪要用把尺每吋收費？」有網民更抵死地問：「你朋友個耳仔係咪墮到落個膊頭度㗎」、「佛祖對耳都無咁勁」。

多名苦主現身踢爆速剪店其他收費花招

事件發酵後，竟然釣出多名聲稱曾光顧涉事速剪店、而有類似經歷的「苦主」，有網民留言「我上次也畀佢騙咗十元」，有網民又表示「前幾日去剪都係咁樣，剪完先被收多10蚊」，該名網民憶述，當時髮型師問他如何修剪，他回答「差唔多呢個款啦，求其啦要短就得」，豈料結帳時被加收$10，理由竟是「我係指定髮型」。從該店收費表看到「髮型設計」需加10元。

這番言論讓網民嘖嘖稱奇，笑稱「手法果然層出不窮」、「剪髮都有omakase（廚師發辦）」，有網民突破盲點：「剪前，不嬲都會問個客點剪架喎，咁即係個個都加收十蚊啦」。