屯門屋苑離奇車閘意外 夜歸男一錯誤動作狼狽失背囊 網民笑甩牙：有人路唔行行車路｜Juicy叮
更新時間：15:49 2026-05-23 HKT
發佈時間：15:49 2026-05-23 HKT
發佈時間：15:49 2026-05-23 HKT
字體大小
屯門屋苑昨天（22日）晚上發生離奇車閘意外，網上流傳一名夜歸男捐窿捐罅、攝來攝去，結果狼狽失背囊，自己舉起手望著隨車閘凌空飛起的背包也嚇至「Ｏ嘴」失聲的短片。網民看過後笑甩牙的同時，不禁調侃「有人路唔行行車路」，尷尬情況「自己攞嚟」。詳情見下圖及下文：
屯門屋苑離奇車閘意外 夜歸男一錯誤動作狼狽失背囊 網民笑甩牙：有人路唔行行車路逐張睇↓↓↓↓
網民：冇諗過喺我眼前發生
樓主今天（23日）在社交平台Threads以「車cam片」為題上載短片發帖，留言指「大陸片就見過，冇諗過喺我眼前發生🤣🤣Sor（對不起）笑到雞叫咁，但真係忍唔到🤣」。
如脫衣服般脫走背囊
車CAM短片顯示的拍攝時間為昨晚8時19分左右。片中見到右膊單邊孭背囊的夜歸男，在攝過狹窄的車閘空位時，由於身後有車輛駛入屋苑，車閘除除打開，車閘前端剛好不偏不倚地攝落背囊孭帶，接著便順勢如脫衣服般，把背囊從夜歸男的身上脫掉，並掛於正在騰空的車閘上。
結果，背囊便隨車閘升上半空，夜歸男伸手也只能可望而不可即，露出誇張的難以置信表情。
街坊：死唔肯行行人路 自己攞嚟
有好眼力的網民認出事發地點是位於屯門的新圍苑。有街坊指出：「新圍苑造到咁窄都死唔肯行行人路，自己攞嚟」、「佢明明隔離斑馬綫行到入去，係要行停車場入口都係想懶型」、「隔離有個入口唔行係要行呢度」、「啲人咁鍾意左攝右攝唔知為乜」；有人更直斥：「有人路唔行行車路，佢身分認同係架車？」。
有網民形容事主狼狽失背囊的情況好比「吊咗個包包上水」、「呢啲人要當臉指住佢嚟笑」、「笑到抽筋」、「佢個😳😦樣令趣味增加咗」。
資料來源：justin_chc＠Threads
相關閱讀：
長沙灣大媽閘車馬路跳舞 拍攝者大嗌「有人碰瓷啊」 網民：個司機幾忍得
佔用他人車頭當枱擺重嘢 車主勁心痛公審尖沙咀兩長髮女 再爆出另一自私惡行
