新界街頭路人頭髮離奇「炸毛」網民疑有驚嚇原因：建議行開｜Juicy叮

時事熱話

更新時間：13:56 2025-11-17 HKT
發佈時間：13:56 2025-11-17 HKT

新界街頭有路人的頭髮離奇「炸毛」，頭髮豎起，像怒髮衝冠。網民感到事件不尋常，懷疑有驚嚇原因，建議急急行開。詳情見下圖及下文：

新界街頭路人頭髮離奇「炸毛」網民疑有驚嚇原因逐張睇↓↓↓↓

樓主：成條街啲人頭髮都有靜電

樓主昨日（16日）在社交平台Threads上載短片及相片發帖，講述奇景，指「究竟點解冇啦啦成條街啲人啲頭髮都有靜電」。

短片中的長髮女子，長長髮絲如怒髮衝冠般向上飄起；另一相片中，短髮路人也豎毛，油亮的黑髮條條豎起。這炸毛的現像，還真有點像動漫《龍珠》內的撒亞人變身。

回應的網民好奇事發地點，有人留言「（粉嶺）聯和墟間RUD（食肆）開咗咁多年，行過都係咁豎起晒頭髮」、「另有人查問，近（元朗）朗屏嗰間牛奶冰室出面？」，兩個不同的地點，也分別獲樓主回覆：「Yss（對）就係呢個位😂」，和「Yss😂」。

網民：小心被雷劈

雖然有人指「豎起幾條頭毛好有喜感」，但不少網民就這不尋常的豎毛情況感到擔心，提醒「小心被雷劈」、「準備渡雷劫」、「雷要劈下來了」、「行雷或漏電」、「打雷，或附近有大型電器漏緊電」，認為情況「危險！」。

於是有人建議「快逃」、「別發了，快跑」、「快俾雷劈呀閃啦」、「快啲走啦，去商場入邊啊」、「將會行雷閃電...頭髮豎起嘅話好易被打中」。

也有網民想起了電玩「雷神律令」；亦有人淡定地稱「沒事，下輩子注意點就行」、「無行雷落嚟算你地好彩」、「香港市區係似有風扇多過行雷」。

網民：係人地個靜電除油煙機

還有人認真分析，指「問題係噚晚天晴，冇雷雨雲出現過」、「如果你係餐廳出面，好大機會係人地個靜電除油煙機」。

另有人上載相片和應，稱「上星期街拍我都影過，喺樓與樓中間，應該冇五雷轟頂」；也有人笑言，如此情況「有機會可以穿越時空」或與「3I/ATLAS（星際天體）嚟緊」、「會唔會有隻UFO飛過？」、「有外星人」有關。

好心網民關心樓主安危

還是有好心人關心樓主的安危，查問「樓主可唔可以報個平安？如果你仲生存緊嘅話」，也獲樓主現身大方回應「Still alive...（仍然生存）😂 」，並在回應欄補充「最後我冇俾雷劈😂🙏🏻」。

對於有網民提到「聯和墟間RUD（食肆）開咗咁多年，行過都係咁豎起晒頭髮」，2022年時，便有相關的報道——粉嶺疑現神秘「靜電地帶」居民行過頭髮突豎起——

文中提到，粉嶺馬適路一間日式燒肉店門外疑似出現神秘的靜電地帶，部分居民晚上行經該處，出現頭髮突然豎起的情況，事件引來網民熱烈討論，詳情見這網頁：https://www.stheadline.com/article/3154466/

而中大物理系高級講師湯兆昇博士當時回應事件時表示，「件事唔係無可能」，從目前掌握的資料，不明有什麼可能原因導致有關情況。他指出，影印機或除塵機內有靜電，但正常靜電不會漏出來，亦無可能「咁勁」，此外亦不可能有具靜電的儀器在食肆外放置，市面食肆內的電器是用交流電，不會產生靜電牆，「天氣不會做成咁勁(靜電)，唯一想到係雷擊。」但明顯從網民影到的相片情況，當時應該與雷擊無任何關係。他認為如要了解真正原因，需要做深入研究。

至於有網民擔心事件跟行雷有關，參考香港消防處提供的「行雷閃電⚡自保小貼士」，市民應注意以下4點：

🏃‍♂️ 切勿在高處或空曠地方逗留
🏠 應立即走進建築物躲避並留在室內
❌ 切勿觸摸天線、鐵絲網等金屬裝置
⛔ 切勿進行水上活動

資料來源：lowiiinggg＠Threads