港鐵爭位嘮嘈大戰大媽A鬧唔停口師奶B小學雞式應對大叔佛系勸交成焦點｜Juicy叮

時事熱話

更新時間：13:01 2025-11-15 HKT
發佈時間：13:01 2025-11-15 HKT

港鐵車廂早前發生懷疑因為爭位而起的嘮嘈大戰，當中的大媽A鬧唔停口，對手師奶B則以小學雞式應對，另有一名大叔以佛系方式勸交，意外地成為這場「地鐵口水大戰」的另一焦點。詳情見下圖及下文：

港鐵爭位嘮嘈大戰大媽A鬧唔停口師奶B小學雞式應對逐張睇↓↓↓↓

樓主：遇到地鐵師奶大戰

樓主本月12日在社交平台Threads以「地鐵大戰」為題上載短片發帖，留言指「估唔到我遇到地鐵師奶大戰😂。Key elements（關鍵要素）齊晒，阿婆x2，勸交uncle（叔叔）x1」。

短片長約1分17秒，片中兩名疑似爭位女乘客已安坐座位上，但兩人似乎餘怒未熄，靜靜地起革命，最變成你一言、我一語地在爭鋒相對。

其中一名大媽更是鬧唔停口，帶著小型手拉車行李的對手在感到不耐煩下，竟採取了小學雞式的應對方法。

大叔以佛系方式勸交

就在兩人鬧得面紅耳熱之際，一名沒有入鏡的大叔出聲以佛系方式勸交，意外地成為這場「地鐵大戰」的另一焦點。3人對答大致如下：

大媽A：我全世界未見過咁變態嘅女人。
師奶B：係啦，爭唔到位坐。
大媽A：人哋差唔多仆死仲話人哋撞到佢。
師奶B：：係呀，仆死呀啱喇，找死呀真係。
大媽A：係呀我今晚死（此時師奶B開始如小學生拒聽般掩耳，時而單手，時而雙手），你長命百歲丫，同狗瞓啦你。
師奶B：找死呀，收聲啦，收聲啦死婆。
大媽A：長命百歲丫，同狗瞓你，Ｘ街。
師奶B：死八婆。
大媽A：你Ｘ街。
師奶B：收聲啦。
大媽A：死呀（大聲），快啲啦。
勸交大叔：唔好嘈啦，少得一句啦。
師奶B：咪係囉。
勸交大叔：大家讓下啦，算啦。
大媽A：黐你個線嘅，人哋又唔係整到佢，喺度話人。
勸交大叔：係啦，大家，大家讓下啦。
大媽A：我係你個消氣桶呀。關你茄事呀，死人......。
勸交大叔：嘈到都無意思嘞，唉，你一句我一句。
（此時列車傳來疑似「下一站屯門」的廣播）
大媽A：你正常就唔會咁話人啦，你就係唔正常，就係唔正常，係變態。又唔抵得人哋，自己有得坐，坐得舒服呀。
師奶B：無位坐，爭唔到位坐。
大媽A：係呀點呀。
師奶B：爭唔到位坐。
大媽A：死咗呀你。
師奶B：抵死、抵死、抵死。
大媽A：Ｘ街，睇住遲早Ｘ街啦你。
師奶B：抵死呀你。
大媽A：咁話人。
師奶B：死......