北角公廁門鎖疑滑牙 港男扭唔開慘困殘廁 感激消防爆鎖拯救 網民好奇賠錢金額｜Juicy叮
發佈時間：10:57 2025-11-15 HKT
北角英皇道遊樂場一公廁的門鎖懷疑滑牙，一名市民日前使用時一度被困，最終報警求助，獲消防到場爆鎖拯救。網民事後好奇賠錢金額，事主大方回應之餘，還感激消防的緊急救援服務。詳情見下圖及下文：
北角公廁門鎖疑滑牙 港男扭唔開慘困殘廁逐張睇↓↓↓↓
樓主：非常感激消防
事主本月8日在社交平台Threads上載被困短片和獲救後的相片發帖，留言指「人生第一次打999。英皇道遊樂場個男廁整緊，去咗殘廁，放完水出返嚟，度門滑咗牙😨。999，10分鐘消防嚟爆鎖，非常感激消防緊急救援服務🙏🏻」。
片中見到事主不停轉動門鎖，卻因為懷疑滑牙而始終無法開啟，情急之下更兩度踢向廁所門。
相關閱讀：雙塔廁所嚇窒港女 睇樓遇上特色盤：幾平都唔想租 網民解鎖用法大讚設計優點多
網民：好彩有帶電話
回應的網民都替事主抹一把汗，有人上載現場男廁維修的相片佐證；有人則層層遞進的想到「好彩有帶電話」、「好彩電話有電」、「如果咁啱電話無電咪大鑊」、「好彩你電話收到訊號」、「好彩廁所收到訊號」，有人甚至笑言「好彩你得一條友」。
有網民更加預設場景聯想到「如果咁啱電話無電，就要等清潔工或有人嚟去廁所；如果荒山野嶺，真係可能要等一日」。
網民：咁你賠咗幾多錢？
從事主上載獲救後的相片見到，現場除有消防員到場外，還派出了救護車戒備，於是有人關心留主「有無上白車」，事主回應稱「無，無任何唔舒服」。
接著有人查問「咁你賠咗幾多錢？有無俾人告刑事毀壞？」，事主大方回應「唔使賠錢㗎，大前提係度門真係壞咗而開唔到門的話」。
相關閱讀：畢業生土瓜灣見工驚見奇葩廁所 3個馬桶排排坐 網民嚇壞：幼兒園式設計
網民自爆困廁所經歷
有網民接著自爆類似的被困廁所經歷，指：
•同我上次喺沙田某公共殘廁一樣，又係壞鎖要Call（召喚）消防；
•我試過去（日本）沖繩釣魚，喺一個好偏僻嘅漁港。人有三急去廁所。去完廁格個鎖又係滑咗牙。廁格上下得少少位又爬唔倒出去。電話又收唔倒。好在剛好有人入咗廁所。好辛苦溝通一論先明我講咩。最後佢幫手搵個螺絲批俾我，由裏面拆咗個鎖先出到嚟。
於是有人醒目地作出似乎是最有益、有建設性的建議，指「下次去廁所唔好鎖門就唔驚了」。
資料來源：carlochung98＠Threads
相關閱讀：北區清潔工公廁插花激勵失業女 女事主感恩：呢到曾經係我安心之所 網民讚譽全港最靚公廁↓↓↓↓
有網民發現北區公園的公廁內放滿鮮花，出帖表揚負責清潔該公廁的姨姨悉心打理，定期換新花，帖文意外引出有港女留言稱姨姨在該公廁放鮮花，曾為處於失業低潮的她帶來激勵：「見到啲花冇咁難過。」
該港女在失業期間為呃家人「仲有工返」，每日「返工時間」都到公園流連，這公廁內的鮮花為她帶來難得的慰藉。詳情如下↓↓↓↓
