阿叔大鬧直通巴拒補$27車費 罵女職員阻開車 疑博其他乘客代找數 結果是...｜Juicy叮
發佈時間：13:42 2025-11-06 HKT
有阿叔於灣仔搭乘直通巴北上，因拒補$27元車費，大罵查票女職員，令直通巴開車受阻，他不斷大罵聲稱：「我唔理你！我話咗畀邊張飛就邊張飛！」非常橫蠻，有人懷疑該阿叔欲迫其他乘客代付款，是「慣犯」。
事件由Youtuber「導遊哥哥」於其頻道內公開，事發時間為本周一（3日）。
阿叔大鬧直通巴拒補$27車費 罵女職員阻開車 疑博其他乘客代找數 結果是...↓↓↓↓
Youtuber「導遊哥哥」在其頻道表示，本周一（3日）在灣仔電腦城附近搭乘直通車北上，當排隊時，目睹一名已上車阿叔遇到查票時，因為無買票，竟拿出一張$100元紙幣，向查票女職員表示：「我不嬲都係咁樣㗎啦。」
阿叔想即時在車上購票，但女職員表示，車上無票買，要他下車自行購買，於是阿叔走落車買票，其後再上車。
「我唔理你！我買果張飛就係果張飛！」
影片中看到著紅色衫的阿叔，上車後坐在前排，未幾查票女職員向他表示，他買錯要補錢：「阿叔，你去深圳灣要補錢呀！」
阿叔聞言大發雷霆：「咩呀！你講乜嘢呀！」女職員解釋，阿叔買錯去皇崗的票，「你買咗皇崗，係33蚊，我哋係去深圳灣，要60蚊呀。」換言之，他要補錢27元。
阿叔仍非常橫蠻，指罵女職員說：「我唔理你！我講畀你聽，我買果張飛就係果張飛！」另一名女職員仍勸道：「你嗰張飛唔係搭呢班車呀！」
「你係33蚊，去深圳灣要60蚊呀！」
阿叔仍不信：「我講畀你聽，你可以話係另一張。」兩名女職員繼續好言相勸：「補返錢就得。」「你係33蚊，去深圳灣要60蚊呀！明唔明白呀？」
阿叔不斷重申：「我講畀你，我話咗邊張飛就係邊張飛！」女職員再解釋阿叔買錯另一間公司的票：「都唔同公司嘅（車票），我可以畀你上車，你補返錢就得。」
阿叔不揪不睬，直通巴開車被阻，有乘客開始鼓譟：「補錢啦！」「等住你一個人呀！」
阿叔繼續重申：「我講畀你聽，我搭邊張飛，就係邊張飛！」女職員非常無奈地說：「咁你唔好搭我班車，你搭返皇崗車啦！」阿叔仍不為所動，雙方僵持不下，這時有女乘客突上前向女職員表示：「我（幫佢）補返錢！」阿叔聽不清楚反問：「咩話，你講多次？」該女乘客笑著向阿叔說：「無事啦，無事啦！」並隨女職員下車替阿叔補$27元車資，補錢後，直通巴才能順利開車。
慣犯？阿叔施施然落車食煙
Youtuber「導遊哥哥」在到達目的地後，發現該阿叔竟若無其事，下車後施施然食煙，替他補車資的女乘客和他擦身而過，他一句多謝都無。
「導遊哥哥」批評：「你係咪做人最基本禮貌都無，你幾廿歲人，係咪要做到咁核突！？」
他又質疑該阿叔有錢食煙，卻連二十多元車費差價都拒絕補付，「一包煙都要個價啦」，「......佢唔覺得自己有錯，呢啲係咪慣犯呢？我唔知佢係咪慣犯，呢啲PK未進化，老咗嘅古惑仔......」有網民亦懷疑事件中有人扮懵，「應該係過氣古惑仔」，「個女人真係好好人」。
來源：導遊哥哥＠Youtube
同場加映：港女皇崗口岸遇「摸背脊黨」 離奇過程曝光最後咁至甩身 網民疑有「這目的」籲小心↓↓↓↓
