港女北上住酒店疑執房員在飲品「加料」杯蓋入面驚揭放1猥褻物：成件事好恐怖｜Juicy叮

更新時間：14:31 2025-10-29 HKT
發佈時間：14:31 2025-10-29 HKT

有港女因工作北上住酒店，她和同事每人獨立一間房，她午飯後買了一杯飲品回房間，因太飽「飲咗幾啖後就冇飲」，打開杯蓋放房內後出門，回來發現杯蓋被執房的酒店職員蓋上，她打開發現1猥褻物在杯蓋入面，感到非常驚訝：「都幾肯定杯嘢畀人加咗料，成件事好Ｘ恐怖。」

港女北上住酒店疑執房員在飲品「加料」杯蓋入面驚揭放1猥褻物：成件事好恐怖↓↓↓↓

有網民在社交平台分享最近北上住酒店遇到疑似飲品被「加料」事件，她表示，因「出trip」北上住酒店，和同事每人一間房。

本月17日當日下午，她食完午飯後回酒店房，「跟手買咗杯廢水諗住上房飲」。由於拿錯細飲管，「索性（打開杯蓋）撕開嚟飲」。

太飽飲品開蓋放房內回來驚覺杯蓋被蓋上

她最後因為太飽，「飲咗幾啖就冇飲，之後就出咗門口」，該杯飲品則未有蓋上杯蓋，留在酒店房內。

出完一日街後，女事主返回酒店，「諗住飲埋杯嘢」，但發現飲品杯蓋被重新蓋上，她估計是「執房個個好好手尾咁幫我冚返杯嘢飲」，她打開飲品，發現在杯蓋內有一條酷似下體毛髮：「成條Ｘ毛係杯蓋入面」，她幽默地表示，「我自己做咗laser（脫毛）」，該毛髮「肯定唔係我嘅」。

事主：「都幾肯定杯嘢畀人加咗料」

憑此猥褻毛髮，她指出：「都幾肯定杯嘢畀人加咗料。」她在帖文中表示：「成件事好Ｘ恐怖。」提醒網民「一個女仔住酒店真係小心啲」。

網民熱議事件，有人認為非常核突：「嘩，勁嘔心，好彩發現到。」有人認為出門在外，應小心警剔，飲食更要小心：「出門在外通常開咗冇飲哂食哂，離開咗再返來都唔會要，嘥嘢都咁話。」「嘢飲宜家嘢，一離開得耐就唔會再飲，細個聽得多加料個案。」

有人則分享經驗，指自己「去邊都唔執房，之前澳門做嘢兩個禮拜都係唔執，淨係問fill嘢，唔鐘意有人入去搞我啲嘢」。

網民：出門在外開咗冇飲哂食哂，離開咗再返來唔會要

有網民懷疑該猥褻毛髮，可能只是「張枱抹得唔澈底，掃漏咗條毛」，又有可能是杯蓋放枱面上時，「咁啱放咗落條毛上面，黐咗杯底」，未必是執房員有意「加料」。

但樓主表示，排除空氣中有毛意外跌落杯蓋入面，「因為條毛係係蓋入面」，而她是蓋向下放枱面上。至於她放下杯蓋時「都有睇下個櫃面乾唔乾淨，見到乾淨先放低」，所以她堅持「我見到條毛嘅第一下真係唔覺得係咁啱跌咗落去嘅意外」。不過，有網民則質疑該毛髮未必屬下體猥褻物：「目測毛一條，如何得知是Ｘ毛？」「都似髮際線啲毛。」

有網民問事主有否向酒店反映，事主回覆表示：「講嚟都冇用，唔覺得佢地會處理。」

來源：ruby0327＠Threads