巴士惡男不滿駕駛技術荔枝角行車途中辱罵車長瘋狂挑釁做一嚇人舉動｜Juicy叮

更新時間：11:28 2025-10-19 HKT
發佈時間：11:28 2025-10-19 HKT

有不滿司機駕駛技術的巴士惡男，早前在荔枝角行車途中辱罵車長，並瘋狂挑釁做出一嚇人舉動。網民群起力斥，有人直指惡男此舉「影響成車人性命危險」。詳情見下圖及下文：

巴士惡男不滿駕駛技術荔枝角行車途中辱罵車長瘋狂挑釁做一嚇人舉動逐張睇↓↓↓↓

樓主：郁手打司機喎

樓主本月13日在facebook群組「馬路的事討論區」上載短片發帖，留言指「嘩，你郁手打司機喎」。短片長約1分半鐘，根據鏡頭左下方的顯示，事發於本月13日早上7時半左右，現場為荔枝角長沙灣廣場附近。

惡男粗言穢語辱罵車長

片中見到，當巴士在荔枝角港鐵站•長沙灣廣場站停站尾段時，惡男無視巴士正準備開行，突然走到車頭的駕駛席旁，指手畫腳，大肆以粗言穢語辱罵車長，並一度把頭湊近車長怒吼：「哈個臭X，我X你老X臭X！忍呀你！臭X，揸到咁X樣，揸吖，臭X，揸衰啲吖。X你老X」。

此時，巴士埋站後已再次開行，惡男無意停下，繼續破口大罵：「飛車呀？X你老X！冚家X，X你老X，未曾X過呀，真係X你老X，臭X......實投訴你㗎，X你老X，你X個臭X，我X你老X個臭X呀，下，你無屋企人㗎，你無屋企人㗎，有無病呀，有無屋企人呀」。

惡男多番貼近車長面部頭部

待巴士於燈位前停下時，惡男把挑釁升級，行前持手機正面拍攝車長，並繼續鬧「X你老X臭X，舞龍咁舞，冚家X，依個冚家，X你老X」。

由於情緒越鬧越激動，手部不斷貼向車長位置，更疑越過司機欄，以近距離拍攝車長。車長於是伸手擋格，並似乎在著令「唔好再影吖」。惡男也還手擋格，揚言「係咪打我呀，打吖，拿，佢出手打我呀，我而家報警」，車長連番回應「報吖、報吖、報吖、報吖」。

惡男再次挑釁，手機貼近車長面部，聲言「我認X住你呀衰仔！」，車長擋開並表示「唔好郁手郁腳呀！」，惡男衝前反指「咩呀，你好郁手郁腳先呀，你係咪打我先呀，X你老X臭X」。

停燈位後，司機臨開車前再嚴正表示「得，報警」，惡男不甘示弱，回應「好啊，報警」。而在短片完結前，車廂回復平靜，未見再生爭執。

網民力斥惡男發難

回應的網民力斥惡男的發難方式，批評無禮貌，且提醒「騷擾司機是危險行為」、「行車時搞司機，死硬」，有人並指「呢個車長EQ（情緒智商）算高！一句粗口都無講！乘客已經喺行車期間妨礙車長，已經違法！」、「行車時騷擾巴士司機已經犯法，究竟有幾多人會咁ＸＸＸ咁做？有問題可以投訴，唔係係行車行騷擾巴士司機咁白痴」。

雖事短片無拍攝到上文，未知前傳故事如何，但有網民認為「唔係前傳問題，係郁手問題，任何情況下都唔可以郁手。如何覺得唔妥，可瘋狂投訴，就算有理，郁手就肯定輸晒！」、「冇前段影片唔清楚發生乜事，但無論點都好，大聲講粗口又刻意拍片騷擾同恐嚇車長，已嚴重影響行車安全，絕對告得入」。

還有不少網民支持報警，指「直接停車報警」、「好危險，停車報警！」、「行車時干擾司機駕駛，報警拉佢喇」、「騷擾司機係危險行為！一於報警拉Ｘ佢」、「報警就啱啦，你妨礙車長揸車，罰錢兼坐監」、「呢條友影響成車人性命危險，唔明點解冇人報警」。