打風打爆單位玻璃窗需自行維修 朗屏邨業主愁爆 網民傳授4大慳錢修補妙法|Juicy叮
發佈時間:13:28 2025-10-09 HKT

位於元朗的朗屏邨屬「租者置其屋計劃」屋邨,有邨內已購買單位的業主因為早前打十號風球打爆房間玻璃窗,需自行處理維修。
涉事業主本月5日在facebook群組「公屋討論區 - 香港facebook群組」發帖指,「問整窗師傅,意見是鐵窗只能全組換鋁窗,不能只換玻璃」。
於是向網民徵詢維修意見——「其實有冇簡單嘅方法可以解決?」。詳情見下圖及下文:
打風打爆單位玻璃窗需自行維修 朗屏邨「業主」愁爆 網民教4大慳錢修補法逐張睇↓↓↓↓
網民:可以就咁換玻璃
有網民質疑整窗師傅的說法,指「鐵窗爆玻璃,當然可以換玻璃啦,那個師傅想做多錢生意啫」、「試下問多幾間舖頭,或者有啲會幫你換,我估換一塊玻璃冇乜錢賺,所以個師傅想你換晒鋁窗,好賺啲」。
有人更直接教路「可以就咁換玻璃㗎」、「鎅塊玻璃換就得,除非你成隻窗吹走咗」、「呢類窗連冷氣師傅都會識得補翻,不過封邊未必會好靚, 因為安裝冷氣機時耐不耐都要補翻窗口個窿(不過上一上門可能都要幾百蚊)」。
網民4大慳錢修補建議
總結回應,有妙想天開的網民作出4大慳錢修補建議:
•網購「塊亞加力膠片黐落去咪得,咁簡單」;
•「買份報紙遮住個窿位,最慳錢」;
•「想慳就黐塊透明膠紙囉」;
•去超市「買保鮮紙」。
租置計劃下公屋租戶可成業主
房委會在1998年年初推出「租者置其屋計劃」(租置計劃),讓租戶以優惠價購買他們現居的公屋單位成為業主。
其後,為配合政府於2002年重新訂定的房屋政策,房委會在2005 /06年推出第六期乙「租置計劃」後,已終止該計劃。但現時「租置計劃」屋邨的租戶仍可購買其單位。租置計劃屋邨名單詳見下圖——
相關閱讀:50萬買40年樓齡公屋划算?單位曾3次甩手掌大石屎 事主陷兩難:唔買要搬1人單位↓↓↓↓
有住上水公屋網民對於是否購買現居住單位陷兩難,事主住上水天平邨,40年樓齡,天花板甩過3次手掌大的石屎,該單位逾300呎,經租置計劃購買,樓價僅需40萬至50萬元。
事主擔心維修費用,但他似乎是寬敞戶:「唔買就會迫遷去一人單位,仲要交倍半租,間屋超細咁。」為此猶豫不決,帖文引發熱議,詳情如下↓↓↓↓