屋邨奇葩冷氣安裝法 窗口機離奇頂實隻窗閂唔埋 網民好眼力睇出有蹺妙｜Juicy叮
發佈時間：13:08 2025-10-04 HKT
有屋邨懷疑出現奇葩冷氣機安裝法，兩扇窗因為窗口機安裝後無法關上，離奇場面引起路人關注。不過，有好眼力的網民細看相片後，看出了當中的蹺妙來。詳情見下圖及下文：
屋邨奇葩冷氣安裝法 窗口機離奇頂實隻窗閂唔埋逐張睇↓↓↓↓
網民：係咪朗屏嚟？
樓主早前在社交平台Threads以「冷氣安裝」為題上載相片發帖，查問「到底個師父係點樣氹到屋主收貨？」。
先有網民好奇現場「係咪朗屏（邨）嚟？」；接著有人搞笑地指，這部是「收納式冷氣機」、「呢個隔音露台～呢部易拉架冷氣，有前後路軌～」、「師傅可能安裝了伸縮杆，唔用嘅時候，可以收回屋內，然後關閉窗子」；另有人調侃「呢款冷氣機好特別，冬天開嘅時候，先感覺到涼意」。
相關閱讀：大圍公屋熱廚房裝冷氣 涼浸浸惹人羡 網民疑有內情兼違規 房署咁回應......
養生網民：依啲叫空氣流通
還有注重養生的人稱「打開你嘅心窗迎接涼涼夏日」、「開住窗開冷氣空氣流通好多㗎」、「依啲叫空氣流通，機械嘅嘢你唔識咁多㗎喇」、「開冷氣要開窗通風啊，唔係好易病㗎，空氣流通啲財先會入屋㗎」。
另有人笑言是「藝術嘢來」、「裝飾嚟？」。有人則估計如此獨特的安裝法，有可能是「屋主要求！」，更或是「屋主自己」、「可能個師傅就係屋主」。
相關閱讀：公屋單位裝N部分體冷氣 誇張奇景塞爆窗 房署調查後採ＸＸ行動
網民：想知點捱得過「樺加沙」
對於樓主的提問，有網民認真回應，替師傅代言——「師傅可能話成隻窗換好貴喎，仲要還原俾房署，到時好麻煩，又要使多筆錢。裝塊黑色板，唔漏冷氣，唔滲水、滲熱氣就得啦。嗰兩隻窗開住無問題㗎，你呢個單位向內街，就算『天鴿』、『山竹』都唔會吹爛窗㗎，如果爛咗就搵我，幫你搞掂。可能就係咁，屋主被成功氹掂」。
提到大風，網民也關心「打風仲唔爆.....」、「打風乒鈴嘭唥」、「過咗10號風球整㗎？？？」、「我想知點捱得過『樺加沙』」。連樓主也在回應欄稱：「打風嗰陣拍手咁款」。
相關閱讀：將軍澳單位窗外僭建亞加力層板放雜物 管理員上門勸喻反捱鬧 網民：罔顧路人生死
網民細看相片看出蹺妙
還有人抱另類相法，猜測有可能是「AI相」（人工智能）；不過，不少網民細看照片後，看出個中蹺妙來，得出以下結論——
•「見到另外封咗板，製冷應無問題」、
•「屋主都唔知出面無拆，因為已用綠板封晒」、
•「其實，係唔係落咗亞加力膠，我哋睇唔到咋」、
•「入面封咗板，入水就唔會，係打風除時撞到爆玻璃」、
•「只係無拆舊窗」、
•「可能拆窗要再俾錢」、
•「安裝冷氣，改窗另計」、
•「問題只係兩隻窗有無固定到」。
資料來源：waiii_t＠Threads
相關閱讀：冷氣機出風口咁樣安裝 單位離奇倒轉地球 網民睇真啲即時爆笑：益街坊↓↓↓↓
今年7月，受熱帶氣旋「韋帕」的外圍下沉氣流影響，香港天文台表示廣東地區持續酷熱。作打風下本港連日熱爆燈，空調成了家家戶戶的消暑好朋友。
網上社交平台facebook和Threads近日流傳一張看似平平無奇，疑似是公營房屋外牆的照片，相中的單位正在窗外晾曬被鋪。但當網民細看相片，細品當中的冷氣機後，卻即時發出爆笑聲↓↓↓↓
