颱風樺加沙｜直擊超市街市掃貨潮人龍排到出門口 菜架肉架麵包近清倉 網民：好癲｜Juicy叮
發佈時間：09:34 2025-09-22 HKT
颱風樺加沙襲港，全城戒備，網民直擊各區超市空前掃貨情況，有超市付款人龍排到出門口，菜架肉架麵包幾近清倉。此外，網民今日(22日)早上到街市，亦發現出現搶貨潮：「場面誇張到好似拍災難片。」
多區掃貨迎颱風情況如下：
直擊多區超市街市掃貨！人龍排到出門口 菜架肉架麵包近清倉 網民：好癲：↓↓↓↓
超強颱風逼近，不少網民在社交平台分享超市出現的驚人掃貨情況，有網民形容：「香港人嘅防風能力真係不可輕視。」「好癲。」「好誇張。」
有網民更以「慘不忍睹」形容超市一些貨架被掃光情況，綜合網民報料，菜架、肉架、麵包、即食麵及樽裝水均成為搶貨目標，多區超市相關貨架幾近清倉。
網民：港人嘅防風能力真係不可輕視
有網民指出，連較昂貴的有機菜亦被搶光：「$27包有機菜都好多人買。」此外，超市付款處排滿人龍，有網民表示，收銀已「有三位職員收錢，但畀錢都要排長龍」，連平日快隊的自助付款機亦現長長的人龍。
有網民表示：「諗住去超市買少少食物, 點知原來行遲一步，條俾錢隊排到出門口，半小時都應該未到......」
有網民又表示：「超市勁多人，見到啲杯面、麵包差唔多俾人清晒。排隊嗰陣後面個伯伯：『而家打風唔係打仗，打仗你班友咪死得。』」
街市亦現搶貨潮 網民：間間鋪都排到癲咗
有網民今日(22日)直擊街市情況表示：「今朝落街買餸，場面誇張到好似拍災難片，街市老闆個個話聽日唔開，將五日貨今日一次過散晒，啲人推住車排到巷尾，加上今次打風可能打兩三日，所以間間鋪都排到癲咗，最驚其實唔係買幾多餸，係返到屋企先發現—雪櫃根本唔夠位......」
來源：Threads＠manziyu5089、edmond_lllll、milktea201408、chris_tam_18、hanachoir_lostumissuwannaholdu、ngjoyceys、____rh、
supermarket.oops、calvin_stch、lifelazier、agnesych_、seewinwin、yautaitung、wingwongbm、olivia__leung、yonmiu2、master_kam_kam、kevin.hollyvlog
相關熱話：
颱風樺加沙｜山竹襲港「受害者」教防水5絕招 免水淹家居：忘記當日慘況嗎？｜Juicy叮
颱風樺加沙｜貼窗防風「搶膠紙潮」湧現 港女直擊空貨架：有啲地方賣晒啦！天文台教路咁貼最適合｜Juicy叮
颱風樺加沙｜超強颱風來勢洶洶 網民憶「山竹」災情 抽氣扇、屋頂橫飛 爬樹返工｜Juicy叮
